கௌதம் கம்பீர் தலைமையிலான பயிற்சியாளர்கள் குழு வித்தியாசமானது: ரோஹித் சர்மா

ராகுல் டிராவிட்டை ஒப்பிடுகையில் கௌதம் கம்பீர் தலைமையிலான பயிற்சியாளர்கள் அடங்கிய குழு வித்தியாசமனது என இந்திய அணியின் கேப்டன் ரோஹித் சர்மா தெரிவித்துள்ளார்.

கௌதம் கம்பீர் தலைமையிலான பயிற்சியாளர்கள் அடங்கிய குழுவின் செயல்பாடுகள் வித்தியாசமான ஸ்டைலில் இருப்பினும், தங்களுக்குள் நல்ல புரிதல் இருப்பதாகவும் அவர் தெரிவித்துள்ளார். வங்கதேசத்துக்கு எதிரான முதல் டெஸ்ட் போட்டி நாளை மறுநாள் (செப்டம்பர் 19) தொடங்கவுள்ள நிலையில், பத்திரிகையாளர்களை சந்தித்த அவர் இதனை தெரிவித்தார்.

இங்கிலாந்துக்கு எதிரான ஒருநாள் தொடருக்கான ஆஸி. அணியில் இருவர் புதிதாக சேர்ப்பு!

பத்திரிகையாளர்கள் சந்திப்பில் ரோஹித் சர்மா பேசியதாவது: ராகுல் டிராவிட், விக்ரம் ரத்தோர் மற்றும் பராஸ் மாம்ப்ரே அடங்கிய அடங்கிய பயிற்சியாளர்கள் குழுவின் ஸ்டைல் வித்தியாசமானது. தற்போது புதிதாக நியமிக்கப்பட்டுள்ள கௌதம் கம்பீர் தலைமையிலான பயிற்சியாளர் குழுவின் ஸ்டைல் வித்தியாசமானது. ஆனால், அதனால் எந்த ஒரு பிரச்னையும் இல்லை. நல்ல புரிதல் என்பது முக்கியம். எனக்கும் கௌதம் கம்பீருக்கும் இடையே நல்ல புரிதல் இருக்கிறது என்றார்.

வங்கதேசத்துக்கு எதிரான டெஸ்ட் தொடர் கௌதம் கம்பீர் தலைமைப் பயிற்சியாளராக நியமிக்கப்பட்ட பிறகு, இந்திய அணி விளையாடும் முதல் டெஸ்ட் தொடர் என்பது குறிப்பிடத்தக்கது.