2ஆம் நாள் முடிவு: இருவர் சதம், 73 ரன்கள் முன்னிலையில் ஆஸி.!

இலங்கைக்கு எதிரான 2ஆவது டெஸ்ட்டில் ஆஸி. அணி 73 ரன்கள் முன்னிலை பெற்றுள்ளது.

காலே திடலில் நேற்று (பிப்.6) தொடங்கிய 2ஆவது டெஸ்ட் போட்டியின் முதல் இன்னிங்ஸில் இலங்கை அணி 257 ரன்களுக்கு ஆல் அவுட்டானது.

இதைத் தொடர்ந்து விளையாடிவரும் ஆஸி. அணி முதல் இன்னிங்ஸில் 2ஆம் நாள் முடிவில் 330/3 ரன்கள் எடுத்துள்ளது.

ஏற்கனவே தொடரில் 1-0 என ஆஸி. முன்னிலையில் இருப்பது குறிப்பிடத்தக்கது.

இருவர் சதம்

ஆஸி. அணியில் தொடக்க வீரர்களில் ஹெட், பின்னர் வந்த லபுஷேன் சுமாரான தொடக்கம் அளித்தனர். பின்னர் ஜோடி சேர்ந்து விளையாடிய ஸ்மித், கவாஜா ஓரளவுக்கு ரன்கள் குவித்தனர்.

கடந்த போட்டியில் இரட்டைச் சதமடித்த கவாஜா 36 ரன்களுக்கு ஆட்டமிழந்தார். அடுத்து ஸ்மித், அலெக்ஸ் கேரி அற்புதமாக விளையாடி அணியின் ஸ்கோரை உயர்த்தினார்கள். இருவரும் சதமடித்து ஆட்டமிழக்காமல் இருக்கிறார்கள்.

ஆஸி. ஸ்கோர் கார்டு

டிராவிஸ் ஹெட் - 21

உஸ்மான் கவாஜா - 36

மார்னஸ் லபுஷேன் - 4

ஸ்டீவ் ஸ்மித் -120*

அலெக்ஸ் கேரி - 139*