லக்னௌ பேட்டிங்: தில்லி கேபிடல்ஸ் பந்துவீச்சு!

ஐபிஎல் 2026 சீசனின் ஐந்தாவது போட்டியில் லக்னௌ அணிக்கு எதிராக தில்லி கேபிடல்ஸ் அணி டாஸ் வென்று பந்துவீச்சைத் தேர்வு செய்துள்ளது.

இந்தப் போட்டியில் தில்லி கேபிடல்ஸ் அணியின் கேப்டன் அக்‌ஷர் படேல் டாஸ் வென்று, “சிவப்பு நிறத்தாலான பிட்ச் என்பதால் முதல் 6 ஓவர்கள் நன்றாக உபயோகமாகும்” எனக் கூறியுள்ளார்.

ஐபிஎல் 2026 சீசன் போட்டிகள் கடந்த மார்ச் 28ஆம் தேதி தொடங்கியது. முதல் போட்டியில் ஆர்சிபி வென்றது. அதற்கடுத்த மூன்று போட்டிகளில் மும்பை, ராஜஸ்தான், பஞ்சாப் அணிகள் வென்றுள்ளன.

எட்டு அணிகள் தங்களது முதல் போட்டியில் விளையாடியுள்ளன. மீதமுள்ள இரு அணிகள் தில்லி, லக்னௌவும் இன்று மோதுகின்றன. இந்தப் போட்டியில் யார் தங்களது முதல் வெற்றியைப் பெறப்போகிறார்கள் என்பது முக்கியத்துவம் பெற்றுள்ளது.

லக்னௌ அணி (பிளேயிங் லெவன்): எய்டன் மார்க்ரம், மிட்செல் மார்ஷ், நிக்கோலஸ் பூரன், ரிஷப் பந்த், ஆயுஷ் பதோனி, அப்துல் சமத், முகுல் சவுத்ரி, மோஷின் கான், முகமது ஷமி, அன்ரிச் நோர்க்யா, பிரின்ஸ் யாதவ்.

தில்லி கேபிடல்ஸ் (பிளேயிங் லெவன்): கே.எல். ராகுல், பதும் நிசாங்கா, நிதிஷ் ராணா, அக்ஷர் படேல், டிரிஸ்டன் ஸ்டப்ஸ், டேவிட் மில்லர், விப்ராஜ் நிகாம், லுங்கி என்கிடி, குல்தீப் யாதவ், டி நடராஜன், முகேஷ் குமார்.