இறுதி ஆட்டத்துக்கு முன்னேறுவது யாா்? இன்று இங்கிலாந்துடன் பலப்பரீட்சை நடத்தும் இந்தியாதமிழகத்தில் இன்றும், நாளையும் வெப்ப நிலை உயர வாய்ப்புபுதிய உறுதியளிக்கப்பட்ட ஓய்வூதியத் திட்டத்துக்கு எதிரான வழக்கு: தமிழக அரசு பதிலளிக்க உத்தரவுஅரசு மருத்துவா்கள் இன்று முதல் உண்ணாவிரதம்அதிகரிக்கும் ‘மெட்ராஸ் - ஐ’ பாதிப்பு - மருத்துவா்கள் எச்சரிக்கை4 மாவட்டங்களில் 30,000 சிறுமிகளுக்கு ஹெச்பிவி தடுப்பூசிபிரிட்டன் கல்வி விசா: ஆப்கானிஸ்தான் உள்பட 4 நாடுகளுக்கு தடைநேபாளத்தில் இன்று பொதுத்தோ்தல் - இளைஞா் புரட்சிக்குப் பிந்தைய முதல் வாக்குப்பதிவுரஷியாவிடம் இருந்து இந்தியா மீண்டும் அதிக கச்சா எண்ணெய் வாங்க வாய்ப்புஇயற்கை எரிவாயு உற்பத்தியை நிறுத்தியது கத்தாா்: இந்திய விநியோகம் பாதிக்க வாய்ப்புமேற்காசிய போா்ப் பதற்றம்: இந்தியா்களுக்கு உதவ வெளியுறவு அமைச்சகத்தின் கட்டுப்பாட்டு அறை அமைப்புமாநிலங்களவை உறுப்பினராகிறாா் நிதீஷ் குமாா்? இன்று வேட்புமனு தாக்கல் செய்ய வாய்ப்புடி20 உலகக் கோப்பை : தென்னாப்பிரிக்காவை வீழ்த்தி இறுதிப்போட்டிக்கு முன்னேறியது நியூசிலாந்து!
/

கடைசி ஓவரில் 30 ரன்கள்: 21 பந்துகளில் ஸ்டாய்னிஸ் மிரட்டல் அரைசதம்

கிங்ஸ் லெவன் பஞ்சாப் அணிக்கு எதிரான ஆட்டத்தில் முதலில் பேட் செய்த தில்லி கேபிடல்ஸ் அணி நிர்ணயிக்கப்பட்ட 20 ஓவர்கள் முடிவில் தில்லி அணி 8 விக்கெட்டுகள் இழப்புக்கு 157 ரன்கள் எடுத்துள்ளது.

News image
Updated On :20 செப்டம்பர் 2020, 6:42 pm

DIN


கிங்ஸ் லெவன் பஞ்சாப் அணிக்கு எதிரான ஆட்டத்தில் முதலில் பேட் செய்த தில்லி கேபிடல்ஸ் அணி நிர்ணயிக்கப்பட்ட 20 ஓவர்கள் முடிவில் தில்லி அணி 8 விக்கெட்டுகள் இழப்புக்கு 157 ரன்கள் எடுத்துள்ளது.

ஐபிஎல் தொடரின் இன்றைய ஆட்டத்தில் தில்லி, பஞ்சாப் அணிகள் விளையாடி வருகின்றன. டாஸ் வென்ற பஞ்சாப் கேப்டன் ராகுல் முதலில் பந்துவீச்சைத் தேர்வு செய்தார். தில்லி தொடக்க ஆட்டக்காரர்களாக பிருத்வி ஷா மற்றும் ஷிகர் தவான் களமிறங்கினர்.

அந்த அணிக்கு மிகவும் மோசமான தொடக்கம் அமைந்தது. ஷமி வீசிய 2-வது ஓவரில் தவான் ரன் ஏதும் எடுக்காத நிலையில் ரன் அவுட் ஆனார். இதையடுத்து, களமிறங்கிய ஹெத்மயர் இதே ஓவரில் பவுண்டரி அடிக்க முயற்சிக்க பஞ்சாப் வீரர் கௌதம் அந்தக் கேட்ச்சை தவறவிடுவார்.

Story image

எனினும், அடுத்த ஓவரிலேயே ஷமி தனது சிறப்பான பந்துவீச்சால் பிருத்வி ஷா (5 ரன்கள்), ஹெத்மயர் (7 ரன்கள்) ஆகியோரை அடுத்தடுத்து ஆட்டமிழக்கச் செய்தார். இதன்மூலம், அந்த அணி 13 ரன்களுக்குள் 3 முக்கிய விக்கெட்டுகளை இழந்து திணறியது.

Story image

இதையடுத்து, கேப்டன் ஷ்ரேயஸ் ஐயர் மற்றும் ரிஷப் பந்த் ஆகியோர் நிதானம் காட்டி பாட்னர்ஷிப் அமைத்தனர்.

Story image

4-வது விக்கெட்டுக்கு 50 ரன்களை சேர்த்த பிறகு, இருவரும் அதிரடிக்கு மாற முயற்சித்தனர். கௌதம் ஓவரில் ஷ்ரேயஸ் 2 இமாலய சிக்ஸர்களை அடித்தார்.

Story image

அடுத்ததாக ரவி பிஷ்னாய் ஓவரில் பந்தும் பவுண்டரி அடித்தார். ஆனால், பவுண்டரி அடித்த அடுத்த பந்திலேயே பந்த் (31 ரன்கள்) போல்டானார். 

இதற்கு அடுத்த ஓவரை ஷமி வீச ஷ்ரேயஸும் (39 ரன்கள்) ஆட்டமிழந்தார்.

Story image

இதனால், அந்த அணி மீண்டும் சிக்கலுக்குள்ளானது. அடுத்து களமிறங்கிய அக்சர் படேலும் 6 ரன்களுக்கும், ரவிச்சந்திரன் அஸ்வின் 4 ரன்களுக்கும் காட்ரெல் பந்தில் ஆட்டமிழந்தனர்.

Story image

ஸ்டாய்னிஸ் அதிரடி:

இதையடுத்து, ஸ்டாய்னிஸ் கடைசி கட்டத்தில் அதிரடியில் மிரட்டினார். கடைசி 3 ஓவர்களை வீசிய ஜார்டன் மற்றும் காட்ரெல் பந்துகளை பவுண்டரிகளும் சிக்ஸர்களுமாக விளாசிய அவர் அந்த அணியை 150 ரன்களைக் கடக்கச் செய்தார்.

Story image

குறிப்பாக கடைசி ஓவரில் முதல் பந்தை சிக்ஸருக்கு அடுத்த 3 பந்துகளை பவுண்டரிக்கு விரட்டினார். மீண்டும் அடுத்த பந்தை சிக்ஸருக்குப் பறக்கவிட 20 பந்துகளில் அரைசதத்தை எட்டினார். தில்லியும் 150-ஐத் தாண்டியது.

Story image

கடைசி பந்தில் 2 ரன்கள் எடுக்க முயன்று 2-வது ரன் எடுக்கும்போது ரன் அவுட் ஆனார். அவர் 21 பந்துகளில் 7 பவுண்டரி, 3 சிக்ஸர்கள் உள்பட 53 ரன்கள் எடுத்தார்.

Story image

எனினும், அது நோ-பால் என்று அறிவிக்கப்பட்டது. இதையடுத்து, மீண்டும் கடைசி பந்தை எதிர்கொள்ள புதிய பேட்ஸ்மேனாக நார்ஜே களமிறங்கினார். கடைசி பந்தில் 3 ரன்கள் எடுக்க நிர்ணயிக்கப்பட்ட 20 ஓவர்கள் முடிவில் தில்லி அணி 8 விக்கெட்டுகள் இழப்புக்கு 157 ரன்கள் எடுத்தது.

பஞ்சாப் அணி தரப்பில் ஷமி 3 விக்கெட்டுகளையும், காட்ரெல் 2 விக்கெட்டுகளையும், பிஷ்னாய் 1 விக்கெட்டையும் வீழ்த்தினர்.

ஸ்டாய்னிஸ் அதிரடியால் தில்லி அணி கடைசி 3 ஓவர்களில் மட்டும் 57 ரன்கள் எடுத்தது. இதில் கடைசி ஓவரில் மட்டும் 30 ரன்கள்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.