ராஜஸ்தான் ராயல்ஸுக்கு எதிராக டாஸ் வென்ற மும்பை இந்தியன்ஸ் பேட்டிங்கைத் தேர்வு செய்துள்ளது.
ஐபிஎல் தொடரில் ஜெய்பூரில் நடைபெறும் இன்றையப் போட்டியில் ராஜஸ்தான் ராயல்ஸ் மற்றும் மும்பை இந்தியன்ஸ் அணிகள் மோதுகின்றன. இந்தப் போட்டியில் டாஸ் வென்ற மும்பை அணியின் கேப்டன் ஹார்திக் பாண்டியா பேட்டிங்கைத் தேர்வு செய்துள்ளார். இதனையடுத்து, மும்பை முதலில் பேட் செய்கிறது.
மும்பை அணியில் 3 மாற்றங்கள் செய்யப்பட்டுள்ளன. நுவான், நேஹல் வதேரா மற்றும் பியூஸ் சாவ்லா அணியில் சேர்க்கப்பட்டுள்ளனர். ரொமாரியோ ஷெப்பர்டு, ஆகாஷ் மத்வால் மற்றும் ஸ்ரேயாஸ் கோபால் அணியில் இல்லை.
இன்றையப் போட்டி ஹார்திக் பாண்டியா மும்பை இந்தியன்ஸ் அணிக்காக விளையாடும் 100-வது போட்டி என்பது குறிப்பிடத்தக்கது.
