2022 கால்பந்து போட்டி கத்தாரில் நவம்பர் 20 முதல் டிசம்பர் 18 வரை நடைபெறுகிறது. லீக் சுற்றில் 12 நாள்களுக்குத் தினமும் நான்கு ஆட்டங்கள் நடைபெறுகின்றன.
உலகக் கோப்பை கால்பந்து போட்டியில் பங்கேற்கும் 32 அணிகள் 8 பிரிவாக பிரிந்து களமிறங்குகின்றன.
லீக் சுற்றில் குரூப் ஹெச் பிரிவில் போர்ச்சுகல், கானா அணிகள் மோதியது. முதல் பாதி வரை எந்த அணிகளும் கோல் அடிக்கவில்லை. முதல் கோலை போர்ச்சுகலின் நட்சத்திர வீரர் ரொனால்டோ 65வது நிமிடத்தில் அடித்தார்.
73வது நிமிடத்தில் கானாவும் ஒரு கோல் அடித்து அசத்தியது. விருவிருப்பாக சென்ற போட்டியில் போர்ச்சுகல் 3கோல் அடித்திருந்த நிலையில் 89வது நிமிடத்தில் கானா தனது 2வது கோலை அடித்தது.
கானா அணி போராடி தோற்றது. இறுதியில் போர்ச்சுகல் அணி 3-2 என்ற கோல் கணக்கில் வெற்றி பெற்றது.