இங்கிலாந்துக்கு எதிரான ஒருநாள் தொடரில் மற்றும் மேற்கிந்தியத் தீவுகளுக்கு எதிரான டெஸ்ட் தொடரில் விளையாடவுள்ள ஆஸ்திரேலிய அணி அறிவிக்கப்பட்டுள்ளது.
ஆஸ்திரேலியாவில் நடைபெறும் டி20 உலகக் கோப்பைப் போட்டியில் சொந்த மண்ணில் அரையிறுதிக்கு நுழையும் வாய்ப்பை இழந்து வெளியேறியுள்ளது ஆஸ்திரேலிய அணி. நடப்பு சாம்பியனாக இருந்தும் 5 ஆட்டங்களில் 3-ல் வெற்றி பெற்று 3-ம் இடம் பிடித்ததால் அரையிறுதிக்குத் தகுதி பெறும் வாய்ப்பை இழந்தது.
டி20 உலகக் கோப்பைப் போட்டிக்குப் பிறகு ஆஸ்திரேலியாவில் இங்கிலாந்துக்கு எதிரான 3 ஒருநாள் ஆட்டங்களில் ஆஸ்திரேலிய அணி விளையாடவுள்ளது. இத்தொடர் நவம்பர் 17-ல் ஆரம்பித்து நவம்பர் 22-ல் முடிவடைகிறது. அடுத்ததாக, ஆஸ்திரேலியாவில் மே.இ. தீவுகளுக்கு எதிரான 2 டெஸ்டுகள் கொண்ட தொடரிலும் ஆஸி. அணி விளையாடவுள்ளது. இரு டெஸ்டுகளும் நவம்பர் 30, டிசம்பர் 8 ஆகிய தேதிகளில் தொடங்கவுள்ளன.
இந்நிலையில் இரு தொடர்களுக்குமான ஆஸி. அணி இன்று அறிவிக்கப்பட்டுள்ளது.
இங்கிலாந்துக்கு எதிராக விளையாடவுள்ள ஆஸி. ஒருநாள் அணி
பேட் கம்மின்ஸ் (கேப்டன்), ஆஷ்டன் அகர், அலெக்ஸ் கேரி, கேம்ரூன் கிரீன், ஜோஷ் ஹேஸில்வுட், டிராவிஸ் ஹெட், மார்னஸ் லபுஷேன், மிட்செல் மார்ஷ், கிளென் மேக்ஸ்வெல், ஸ்டீவ் ஸ்மித், மிட்செல் ஸ்டார்க், மார்கஸ் ஸ்டாய்னிஸ், டேவிட் வார்னர், ஆடம் ஸாம்பா.
மேற்கிந்தியத் தீவுகளுக்கு எதிராக விளையாடவுள்ள ஆஸி. டெஸ்ட் அணி
பேட் கம்மின்ஸ் (கேப்டன்), ஸ்காட் போலண்ட், அலெக்ஸ் கேரி, கேம்ரூன் கிரீன், மார்கஸ் ஹாரிஸ், ஜோஷ் ஹேஸில்வுட், டிராவிஸ் ஹெட், உஸ்மான் கவாஜா, மார்னஸ் லபுஷேன், நாதன் லயன், ஸ்டீவ் ஸ்மித், மிட்செல் ஸ்டார்க், டேவிட் வார்னர்.