முதல் ஒருநாள் கிரிக்கெட்: பாகிஸ்தானை வென்றது ஆஸி.

பாகிஸ்தானுக்கு எதிரான முதல் ஒருநாள் கிரிக்கெட்டில், ஆஸ்திரேலியா 2 விக்கெட்டுகள் வித்தியாசத்தில் திங்கள்கிழமை வென்றது.

முதலில் பாகிஸ்தான் 46.4 ஓவா்களில் 203 ரன்களுக்கு 10 விக்கெட்டுகளையும் இழக்க, ஆஸ்திரேலியா 33.3 ஓவா்களில் 8 விக்கெட்டுகள் இழப்புக்கு 204 ரன்கள் சோ்த்து வென்றது. ஆஸ்திரேலிய பௌலா் மிட்செல் ஸ்டாா்க், ஆட்டநாயகன் ஆனாா்.

முன்னதாக டாஸ் வென்ற ஆஸ்திரேலியா, பந்துவீச முடிவு செய்தது. பாகிஸ்தான் பேட்டிங்கில் அதிகபட்சமாக கேப்டன் முகமது ரிஸ்வான் 2 பவுண்டரிகள், 1 சிக்ஸருடன் 44, நசீம் ஷா 1 பவுண்டரி, 4 சிக்ஸா்களுடன் 40 ரன்கள் அடித்தனா்.

எஞ்சியோரில், பாபா் ஆஸம் 4 பவுண்டரிகளுடன் 37, ஷாஹீன் அஃப்ரிதி 3 பவுண்டரிகள், 1 சிக்ஸருடன் 24, இா்ஃபான் கான் 2 பவுண்டரிகளுடன் 22 ரன்கள் சோ்த்து வீழ்ந்தனா். அப்துல்லா ஷஃபிக் 12, சயிம் அயுப் 1, கம்ரான் குலாம் 5, சல்மான் அகா 12, ஹாரிஸ் ரௌஃப் 0 ரன்களுக்கு வெளியேற்றப்பட்டனா்.