செய்தி மடல்
இ-பேப்பர்
மலேசியாவில் நடைபெற்ற ஆசிய இரட்டையா் ஸ்குவாஷ் சாம்பியன்ஷிப்பில் ஆடவா் இரட்டையா், மகளிா் இரட்டையா், கலப்பு இரட்டையா் என 3 பிரிவுகளிலுமே சாம்பியன் பட்டம் வென்று இந்தியா வரலாறு படைத்தது. இப்போட்டியில் இவ்வாறு ஒரே சீசனில் 3 பிரிவுகளிலுமே சாம்பியனான முதல் நாடு இந்தியா என்பது குறிப்பிடத்தக்கது.
கோலாலம்பூா் நகரில் நடைபெற்ற இந்தப் போட்டியில், ஆடவா் இரட்டையா் பிரிவு இறுதிச்சுற்றில், போட்டித்தரவரிசையில் முதலிடத்தில் இருந்தோரும், நடப்பு சாம்பியனுமான இந்தியாவின் அபய் சிங், வேலவன் செந்தில்குமாா் இணை - பாகிஸ்தானின் நூா் ஜமான், நாசிா் இக்பால் கூட்டணியை எதிா்கொண்டது. இதில் முதல் செட்டை 9-11 என இழந்த இந்தியா்கள், அடுத்த இரு செட்களை 11-5, 11-5 என கைப்பற்றி 2-1 என்ற கணக்கில் வெற்றி பெற்றனா். இந்த ஆட்டம் 1 மணி நேரம், 28 நிமிஷங்களில் நிறைவடைந்தது.
மகளிா் இரட்டையா் இறுதிச்சுற்றில், போட்டித்தரவரிசையில் 2-ஆம் இடத்திலிருந்த இந்தியாவின் ஜோஷ்னா சின்னப்பா, அனாஹத் சிங் கூட்டணி - மலேசியாவின் அய்னா அமானி, ஜின் யிங் யீ ஜோடியை சந்தித்தது. முதல் செட்டை 8-11 என இழந்த ஜோஷ்னா, அனாஹத் இணை, அடுத்த இரு செட்களை 11-9, 11-10 என்ற வகையில் வசப்படுத்தி, 2-1 என்ற கணக்கில் வாகை சூடினா். இந்த ஆட்டத்தை அவா்கள் 35 நிமிஷங்களில் முடிவுக்குக் கொண்டு வந்தனா்.
கடைசியாக நடைபெற்ற கலப்பு இரட்டையா் இறுதிச்சுற்றில், அபய் சிங், அனாஹத் சிங் ஜோடி 11-9, 11-7 என்ற நோ் செட்களில், மலேசியாவின் ரேச்சல் அா்னால்டு, அமீஸென்ராஜ் சந்திரன் கூட்டணியை 28 நிமிஷங்களில் தோற்கடித்து, சாம்பியன் ஆனது. இதிலேயே ஜோஷ்னா சின்னப்பா, வேலவன் செந்தில்குமாா் ஜோடி வெண்கலம் வென்றது குறிப்பிடத்தக்கது.
இந்தப் போட்டியின் வரலாற்றில் இத்துடன் அபய் சிங் 4 தங்கம் வென்றிருக்க, ஜோஷ்னா சின்னப்பா, வேலவன் செந்தில்குமாா், அனாஹத் சிங் ஆகியோா் தலா 2 தங்கம் வென்றுள்ளனா்.
2023 முதல் நடைபெறும் இப்போட்டியில், இதுவரை இந்தியா 6 தங்கம், 2 வெண்கலம் என 8 பதக்கங்கள் வென்றுள்ளது. 2023-இல் கலப்பு இரட்டையரில் தீபிகா பலிக்கல், ஹரிந்தா்பால் சந்து ஜோடி தங்கமும், அனாஹத் சிங், அபய் சிங் இணை வெண்கலமும் வென்றுள்ளன.
2024-இல் கலப்பு இரட்டையரில் ஜோஷ்னா சின்னப்பா, அபய் சிங் இணையும், ஆடவா் இரட்டையரில் அபய் சிங், வேலவன் செந்தில்குமாா் ஜோடியும் சாம்பியனாகியது நினைவுகூரத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
