விப்ரோ வருவாய் ரூ.21,964 கோடியாகச் சரிவு

இந்தியாவின் முன்னணி தகவல் தொழில்நுட்ப நிறுவனங்களில் ஒன்றான விப்ரோவின் வருவாய் கடந்த ஜூன் காலாண்டில் ரூ.21,963.8 கோடியாகச் சரிந்துள்ளது.

இது குறித்து நிறுவனம் வெள்ளிக்கிழமை வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த ஏப்ரல் முதல் ஜூன் வரையிலான நடப்பு நிதியாண்டின் முதல் காலாண்டில் நிறுவனத்தின் ஒருங்கிணைந்த நிகர லாபம் ரூ.3,003.2 கோடியாகப் பதிவாகியுள்ளது.

முந்தைய 2023-24-ஆம் நிதியாண்டின் இதே காலாண்டோடு ஒப்பிடுகையில் இது 4.6 சதவீதம் அதிகம்.

இருந்தாலும், மதிப்பீட்டுக் காலாண்டில் நிறுவனத்தின் வருவாய் 3.8 சதவீதம் சரிந்து ரூ.21,963.8 கோடியாக உள்ளது என்று அந்த அறிக்கையில் குறிப்பிடப்பட்டுள்ளது.