செய்தி மடல்
இ-பேப்பர்
மும்பை: பாகிஸ்தானுடன் அதிகரித்து வரும் அரசியல் பதட்டங்களுக்கு நடுவில், முதலீட்டாளர்கள் இன்றைய வர்த்தகத்தில் லாபத்தை முன்பதிவு செய்ததால், இந்திய பங்குச் சந்தைகள் சரிந்து முடிந்தன.
இன்றைய ஆரம்ப வர்த்தகத்தில் சென்செக்ஸ் 100.4 புள்ளிகள் குறைந்து 80,696.44 ஆக இருந்த நிலையில், தேசிய பங்குச் சந்தையின் குறியீடான நிஃப்டி 40.15 புள்ளிகள் குறைந்து 24,421 புள்ளிகளாக இருந்தது. வர்த்தக முடிவில் சென்செக்ஸ் 155.77 புள்ளிகள் சரிந்து 80,641.07 புள்ளிகளாகவும், தேசிய பங்குச் சந்தையான நிஃப்டி 81.55 புள்ளிகள் சரிந்து 24,379.60 புள்ளிகளாக நிலைபெற்றது.
சென்செக்ஸ் குறியீட்டில் டைட்டன், சன் பார்மா, எடர்னல், ரிலையன்ஸ் இண்டஸ்ட்ரீஸ், கோடக் மஹிந்திரா வங்கி, பஜாஜ் பைனான்ஸ் உள்ளிட்ட பங்குகள் சரிந்த நிலையில் மஹிந்திரா & மஹிந்திரா, பார்தி ஏர்டெல், நெஸ்லே, ஹிந்துஸ்தான் யூனிலீவர், டாடா ஸ்டீல் உள்ளிட்ட பங்குகள் உயர்ந்து முடிந்தன.
நிஃப்டி-யில் அதானி எண்டர்பிரைசஸ், எடர்னல், ஜியோ பைனான்சியல், ட்ரெண்ட், எஸ்பிஐ லைஃப் உள்ளிட்ட பங்குகள் சரிந்தும் ஹீரோ மோட்டோகார்ப், டாடா ஸ்டீல், பார்தி ஏர்டெல், எம் அண்ட் எம், ஹெச்யூஎல் நிறுவன பங்குகள் உயர்ந்தும் முடிந்தன.
வாகனம் தவிர, மற்ற அனைத்து துறை குறியீடுகளும் சரிந்து முடிவடைந்தன. பொதுத்துறை வங்கி குறியீடு கிட்டத்தட்ட 5 சதவிகிதமும், ரியாலிட்டி குறியீடு 3.5 சதவிகிதமும், பார்மா, நுகர்வோர் சாதனங்கள், ஊடகம், எண்ணெய் மற்றும் எரிவாயு, மின்சாரம் ஆகிய துறைகள் 1 முதல் 2.6 சதவிகிதம் சரிந்து முடிந்தன.
பிஎஸ்இ-யில் மிட்கேப் மற்றும் ஸ்மால்கேப் குறியீடுகள் தலா 2 சதவிகிதம் வரை சரிந்து முடிந்தன.
உள்நாட்டு மருந்து உற்பத்தி வசதிகளை மேம்படுத்துவதற்கான நிர்வாக உத்தரவில் அமெரிக்க அதிபர் டிரம்ப் கையெழுத்திட்ட பிறகு சிப்லா பங்குகள் 2 சதவிகிதத்திற்கும் மேலாக சரிந்தது.
சிசிஎல் புராடக்ட்ஸ் (இந்தியா) லிமிடெட் பங்குகள் 4-வது காலாண்டில் அதன் ஒருங்கிணைந்த லாபம் 56 சதவிகிதம் உயர்ந்ததால் அதன் பங்குகள் 15 சதவிகிதம் வரை உயர்ந்ததும், டிசிஎம் ஸ்ரீராம், 4-வது காலாண்டில் அதன் ஒருங்கிணைந்த லாபம் 51 சதவிகிதம் உயர்ந்த போதிலும் அதன் பங்குகள் 2 சதவிகிதமும் சரிந்தும், பாம்பே டையிங் நிறுவனத்தின் 4-வது காலாண்டு லாபம் 82% சரிந்ததையடுத்து அதன் பங்குகள் 6 சதவிகிதம் சரிந்தும், இந்தியன் ஹோட்டல்ஸ் நிறுவனத்தின் 4-வது காலாண்டு லாபம் 25% உயர்ந்த போதிலும் அதன் பங்குகள் 6 சதவிகிதம் சரிந்து முடிந்தன.
மும்பை பங்குச் சந்தையில் சம்பல் பெர்டிலைசர்ஸ், சியட், மங்களூர் கெமிக்கல்ஸ், பார்தி ஏர்டெல், அனுபம் ரசாயன், காட்ஃப்ரே பிலிப் உள்ளிட்ட 60 பங்குகள் 52 வார உச்சத்தை பதிவு செய்தது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.