சீனாவில் டிரம்ப் - ஜின்பிங் - புதின் முத்தரப்பு சந்திப்பு தொடங்கியது!வி.எஸ். பாபு மறைவு: முதல்வர் விஜய் இரங்கல்!கொளத்தூர் தவெக எம்எல்ஏ வி.எஸ். பாபு காலமானார்!இந்தியாவில் ஹிந்துக்கள் விகிதம் குறையும்; முஸ்லிம்கள் அதிகரிப்பார்கள்! ஆய்வில் தகவல்!வி.எஸ். பாபு உடல்நிலை குறித்து விரைவில் அறிவிப்பு? மருத்துவமனை விரைந்தார் ஆதவ் அர்ஜுனா! போலீஸ் குவிப்புடாடா காட்டிய அக்வான்! ஏமாற்றத்திலிருக்கும் தமிழக மக்களுக்கு ஒரு நல்ல மழைச் செய்தி!கடும் தண்ணீர் பஞ்சம் ஏற்பட்டால் எப்படி இருக்கும்? கேப் டவுன் நகரமே சாட்சி!தை பிறந்தால் பல்கலைக்கழகங்களுக்கு வழி பிறக்கும்: அமைச்சர் விஸ்வநாதன்திருவண்ணாமலை தீபம்! சென்னை, விழுப்புரம், வேலூரில் இருந்து 16 மெமு ரயில்கள் - முழு விவரம்!தவெகவினர் அணையைக்கூட திறக்கிறார்கள், முதல்வர் விஜய் வாயை யாராலும் திறக்க முடியவில்லை! மு.க. ஸ்டாலின் கருத்துதிடீரென தங்கம் விலை குறைவது ஏன்? இது எத்தனை நாள்கள் வரை தொடரும்?திருப்பரங்குன்றம் விவகாரம்! தமிழக அரசின் நிலைப்பாட்டில் முரண்பாடு ஏன்? அண்ணாமலை கேள்வி!வெற்றி மகளிர் திட்டத்தில் பயன்பெற ஆதார் எண் கட்டாயம்!

பங்குச் சந்தை: 9 மாதங்களுக்குப் பின் 25,500 புள்ளிகளுக்கு மேல் உயர்ந்த நிஃப்டி!

நடப்பாண்டில் தேசிய பங்குச்சந்தை குறியீட்டு எண் நிஃப்டி 9 மாதங்களுக்குப் பின் 25,500 புள்ளிகளுக்கு மேல் உயர்ந்ததைப் பற்றி...

பங்குச்சந்தை.

பங்குச்சந்தை. - கோப்புப்படம்

Updated On :

நடப்பாண்டில் தேசிய பங்குச்சந்தை குறியீட்டு எண் நிஃப்டி 9 மாதங்களுக்குப் பின் 25,500 புள்ளிகளுக்கு மேல் உயர்ந்தது.

இந்திய பங்குச்சந்தை காலை வர்த்தகம் சரிவுடன் தொடங்கிய நிலையில், அதன்பின்னர் ஏற்றம் கண்டது. தேசிய பங்குச்சந்தை குறியீட்டு எண் நிஃப்டி 286.35 (1.14 சதவிகிதம்) புள்ளிகள் அதிகரித்து 9 மாதங்களுக்குப் பிறகு 25,514.30 புள்ளிகளை எட்டியுள்ளது. அதேபோன்று மும்பை பங்குச்சந்தை குறியீட்டு எண் சென்செக்ஸும் 989.94 புள்ளிகள் (1.13 சதவிகிதம்) அதிகரித்து 83,021.75 புள்ளிகளாக நிறைவடைந்தது.

நடப்பாண்டில் பிப்ரவரி 23 ஆம் தேதிக்குப் பிறகு சுமார் 9 மாதங்களில் மீண்டும் நிஃப்டி 25,500 புள்ளிகளைக் கடந்துள்ளது.

நடப்பு வாரத்தில் உலகளாவிய பங்குச் சந்தைகளில் நிலவிய போக்கு காரணமாக முதலிரண்டு நாள்கள் இந்திய பங்குச்சந்தை ஏற்றம் கண்டது. தொடர் ஏற்றத்தைத்தொடர்ந்து புதன்கிழமை வெளியான ஃபெட் வட்டி விகித உயர்வு அச்சத்தால் சென்செக்ஸ் 500 புள்ளிகளுக்கு மேல் சரிந்தது.

நிஃப்டி மற்றும் சென்செக்ஸ் திடீர் ஏற்றம் ஏன்?

கச்சாப் பொருள்களின் விலை வீழ்ச்சியால் ஆட்டோமொபல் பங்குகள் ஏற்றம் கண்டன. செம்பு (காப்பர்) விலையில் ஏற்பட்ட சரிவால் ப்ளூ ஸ்டார், வோல்டாஸ், பிஜி எலக்ட்ரோபிளாஸ்ட் நிறுவனங்களின் பங்குகள் 9 சதவிகிதம் வரை உயர்ந்தன.

இன்று ஆட்டோமொபைல்ஸ் மற்றும் வங்கிகளின் பங்குகளால் பங்குச்சந்தை வலுவான ஏற்றம் கண்டது. நிஃப்டி ஆட்டோ குறியீடு 4 சதவிகிதத்திற்கும் மேல் உயர்ந்தது. அமெரிக்காவில் நடைபெற்ற இடைக்காலத் தேர்தல் முடிவுகளுக்குப் பின்னர் இந்த மாதம் நவ. 17 ஆம் தேதியிலிருந்து சென்செக்ஸ் கிட்டத்தட்ட 12 சதவிதமும் நிஃப்டி 11 சதவீதத்திற்கும் மேல் உயர்ந்துள்ளன.

பேங்க் நிஃப்டி 1,024 புள்ளிகள் உயர்ந்து  முதல் முறையாக 63,000 புள்ளிகளைக் கடந்து, 63,063 என்ற சாதனையுடன் நிறைவடைந்தது. 40-க்கும் மேற்பட்ட நிஃப்டி பங்குகள் ஏற்றத்துடன் நிறைவடைந்தன.

அதேநேரத்தில் தகவல் தொழில்நுட்ப (ஐடி) பங்குகள் சரிவைச் சந்தித்தன. ஐடி பங்குகளில் இன்ஃபோசிஸ், டெக் மஹிந்திரா, டிசிஎஸ் மற்றும் ஹெச்.சி.எல் டெக்னாலஜிஸ் ஆகிய நான்கு நிறுவனங்களும் நிஃப்டியில் மிகப்பெரிய சரிவைச் சந்தித்தன.

சென்செக்ஸில், மஹிந்திரா, பவர் கிரிட் கார்ப்பரேஷன் ஆஃப் இந்தியா, நெஸ்லே இந்தியா, என்.டி.பி.சி. லிமிடெட், மேக்ஸ் ஹெல்த்கேர் மற்றும் பஜாஜ் ஃபின்சர்வ் ஆகியவை பங்குகள் பெரிதும் லாபம் ஈட்டின.

பிரென்ட் கச்சா எண்ணெய் விலை 0.11 சதவிகிதம் உயர்ந்து ஒரு பீப்பாய் 92 அமெரிக்க டாலராக விற்பனை ஆனது. அதேபோன்று ஃபீச்சர் 24 காரட் தங்கத்தின் விலை 0.42 சதவீதம் சரிந்து 10 கிராமுக்கு ரூ.1,29,270 ஆகவும் வெள்ளி ஒரு கிலோ ரூ.1,60,807 என்ற விலையில் வர்த்தகமாகின.

Summary

The equity benchmark indices BSE Sensex and NSE Nifty staged a broad-based rally on Thursday (November 19), with the Sensex surging 990 points to 83,022 and the Nifty gaining 286 points to close at 25,514.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.