எரிவாயுவை சேமிக்க

< அவ்வப்போது குடிப்பதற்கான நீரைக் காய்ச்சுவதை தவிர்த்து அகலமானப் பாத்திரத்தில் ஒரு நாள் முழுவதற்கும் தேவைப்படும் தண்ணீரைக் காய்ச்சி எடுத்து வைத்துக் கொண்டால் எரிவாயு அனாவசியமாக விரயமாகாது.

< எரிவாயுவை மிச்சப்படுத்த வேண்டுமானால் எண்ணெய் நன்கு காய்ந்த பின்பு அடுப்பை அணைத்துவிட்டு தாளிக்கத் தேவையானப் பொருட்களை எல்லாம் போட்டால் அந்த சூட்டிலேயே தாளித்து விடலாம்.

< யாராவது வீட்டில் அழைப்பு மணியை அடித்தாலோ அல்லது தொலைபேசி அழைப்பு வந்தாலோ காஸ் அடுப்பை அணைத்துவிட்டுச் செல்லுங்கள் எரிவாயு மிச்சமாவதுடன் மறதியால் ஏற்படும் சில விபத்துக்களையும் தவிர்க்கலாம்.

< இட்லி பாத்திரத்தில் இட்லி அவிக்கும் போது அதன் அடியில் பருப்பு, உருளைக்கிழங்கு போன்றவற்றை வைத்தால் அருமையாக வெந்துவிடும். எரிவாயுவும் மிச்சமாகும்.

< வீட்டிலுள்ள அனைவரும் ஒரே நேர்த்தில் உணவு அருந்தினால் மீண்டும் மீண்டும் உணவை சூடாக்குவதை தவிர்க்கலாம். எரிவாயுவையும் மிச்சப்படுத்தலாம்.

< அரிசி பருப்பு போன்றவைகளை முன் கூட்டியே ஊறப் போட்டு பிறகு எடுத்து சமைத்தால் அவை விரைவில் வெந்துவிடும். எரிவாயுவும் அநாவசியமாக விரயமாகாது.

< தாளிப்பதற்கு வாணலியை அடுப்பில்  வைக்கும்போது அதில் எஞ்சியிருக்கும் தண்ணீரை நன்கு துடைத்துவிட்டு வைத்தால் எரிவாயு மிச்சமாகும்.

< சமையலுக்குத் தேவையான காய்கறிகளை எல்லாம் முன்பே நறுக்கிக் கொண்டு பிறகு   அடுப்பைப் பற்ற வைத்தால் எரிவாயு மிச்சமாகும்.

< வாரத்தில் ஒருநாள்  இரவில் சமைக்காத இயற்கை உணவுகளான அவல், முளைகட்டிய பயறு, பழங்கள், பழ சாலட் போன்றவற்றை சாப்பிடலாம். இப்படி வாரத்தில் ஒருநாள் எடுத்துக் கொள்வதால் உடலும் ஆரோக்கியமாக இருக்கும்.