மாங்காய் துவையல்

தேவையான பொருள்கள்:

மாங்காய் 1

தேங்காய்த் துருவல் 1 கிண்ணம்

பச்சை மிளகாய், வற்றல்

மிளகாய் தலா 2

கடுகு, உளுத்தம் பருப்பு தலா 1 மேசைக்கரண்டி

பெருங்காயம், வெந்தயம் தலா 1 தேக்கரண்டி

உப்பு, எண்ணெய் தேவையான அளவு

செய்முறை:

மாங்காயை நன்றாகக் கழுவி தோல் சீவி பொடிப் பொடியாக நறுக்கிக் கொள்ள வேண்டும். எண்ணெயில் கடுகு, உளுத்தம் பருப்பு, பெருங்காயம், வற்றல் மிளகாய், வெந்தயம் இவைகளைச் சிவக்க வறுத்துக் கொண்டு இறக்கவும். அப்போது, பச்சை மிளகாயைப் போட்டு வதக்க வேண்டும். தேங்காய்த் துருவல், மாங்காய், உப்பு ஆகியவற்றை தண்ணீர் சேர்த்து அரைத்து, கடைசியில் வறுத்து வைத்துள்ள சாமான்களைச் சேர்த்து கலந்து அரைக்க வேண்டும். இதற்கு தண்ணீர் அதிகம் சேர்க்கக் கூடாது. துவையல் கெட்டியாக இருக்க வேண்டும்.