மாங்காய் துவையல்

தேவையான பொருள்கள்:

கெட்டியான மாங்காய் - 2

கடலைப்பருப்பு- அரை கிண்ணம்

பச்சை மிளகாய் - 3

இஞ்சி துருவல் 1 தேக்கரண்டி

பெருங்காயத்தூள், உப்பு - தேவையான அளவு

தாளிக்க : கடுகு, கறிவேப்பிலை, நல்லெண்ணெய்.

செய்முறை:

வாணலியில் ஒரு தேக்கரண்டி நல்லெண்ணெயைவிட்டு, கடலைப்பருப்பை சிவக்க வறுக்கவும். மாங்காயை சிறு துண்டுகளாக்கி, அதையும் பச்சை மிளகாயையும் போட்டு வதக்கவும். மூன்றையும் உப்பு சேர்த்து அரைத்து, நல்லெண்ணெயில் கடுகு, கறிவேப்பிலை, பெருங்காயம் தாளித்து கலக்கினால், கலக்கலான மாங்காய் துவையல் தயார். டிபனுக்கும் தொட்டுக் கொள்ளலாம். சாதத்தில் பிசைந்தும் சாப்பிடலாம். புளி சேர்க்கத் தேவையில்லை.

நாகஜோதி கிருஷ்ணன்