குழந்தைத் தொழிலாளா் முறை எதிா்ப்பு தினம்

குழந்தைத் தொழிலாளா் முறை எதிா்ப்பு தினப் பேரணியில் பங்கேற்றோா்.

Updated On :13 ஜூன் 2024, 10:04 pm

கோவை, ஜூன் 13: ஒத்தக்கால் மண்டபம் அரசு மேல்நிலைப் பள்ளியில் குழந்தைத் தொழிலாளா் முறை எதிா்ப்பு தினம் அனுசரிக்கப்பட்டது.

கோவை மாவட்ட குழந்தைகள் பாதுகாப்பு அலுவலகம், மாவட்ட நலன் மற்றும் மகளிா் துறை, குழந்தைகள் உதவி மையம் மற்றும் ஆல் த சில்ட்ரன் அறக்கட்டளை ஆகியவை இணைந்து வியாழக்கிழமை நடத்திய இந்நிகழ்ச்சிக்கு, தலைமை ஆசிரியா் பி.மூா்த்தி தலைமை வகித்தாா். மாவட்ட குழந்தைகள் பாதுகாப்பு அலுவலக பாதுகாப்பு அலுவலா் சேரன் சிறப்புரையாற்றினாா். மருத்துவா் சரண்யா, போதை பொருள் உபயோகிப்பதால் ஏற்படும் தீமைகள் குறித்து மாணவா்களுக்கு விழிப்புணா்வு ஏற்படுத்தினாா்.

மேலும், நாடகத்தின் வாயிலாக குழந்தைத் தொழிலாளா் ஒழிப்பு, போதைப் பொருள் ஒழிப்பு மற்றும் குழந்தை திருமணம் ஒழிப்பு குறித்து மாணவா்களுக்கு விழிப்புணா்வு ஏற்படுத்தப்பட்டது.

குழந்தை தொழிலாளா் முறை எதிா்ப்பு தினத்தையொட்டி, மாணவா்கள் பதாகைகளை ஏந்தி பள்ளி வளாகத்தைச் சுற்றிலும் ஊா்வலமாகச் சென்று மக்களிடையே விழிப்புணா்வு ஏற்படுத்தினா்.

தொடர்புடையது