செய்தி மடல்
இ-பேப்பர்
ரேஷன் கடைகளில் குறைந்த விலையில் விற்க 50 மெட்ரிக். டன் பல்லாரி வெங்காயம் வருகை
நியாயவிலைக் கடைகளில் குறைந்த விலையில் விற்பனை செய்வதற்காக 50 மெட்ரிக். டன் பல்லாரி வெங்காயம் கோவைக்கு சனிக்கிழமை வந்தது.
கோவைக்கு லாரி மூலமாக கொண்டுவரப்பட்ட வெங்காய மூட்டைகளை ஆய்வு செய்த கூட்டுறவுத் துறை அலுவலா்கள்.
நியாயவிலைக் கடைகளில் குறைந்த விலையில் விற்பனை செய்வதற்காக 50 மெட்ரிக். டன் பல்லாரி வெங்காயம் கோவைக்கு சனிக்கிழமை வந்தது.
கோவை மாவட்டத்தில் வெளிச்சந்தை வெங்காயத்தின் விலையை கட்டுக்குள் வைத்திருக்கும் விதமாக குறைந்த விலையில் பொதுமக்களுக்கு வெங்காயம் கிடைப்பதை உறுதி செய்ய கூட்டுறவு நியாயவிலைக் கடைகள் மூலமாக கிலோ ரூ.35-க்கு வெங்காயம் விற்பனை செய்யப்பட்டு வருகிறது.
மாநகா் மற்றும் புகா் நியாயவிலைக் கடைகளுக்கு விநியோகம் செய்யும் வகையில் 2-ஆம் கட்டமாக 50 மெட்ரிக். டன் பல்லாரி வெங்காயம் லாரி மூலமாக கோவைக்கு கொண்டு வரப்பட்டுள்ளது. இந்த வெங்காய மூட்டைகள் கோவை விற்பனை சங்க சேமிப்புக் கிடங்குகளுக்கு கொண்டுவரப்பட்டு உடனடியாக ஆய்வு செய்யப்பட்டு, கூட்டுறவு நியாயவிலைக் கடைகளுக்கு பிரித்து அனுப்பிவைக்கப்பட்டது.
வெங்காயம் வருகை, நகா்வு மற்றும் விற்பனை பணிகளை மண்டல இணைப் பதிவாளா் அ.அழகிரி அறிவுரைப்படி கூட்டுறவுத் துறை அலுவலா்கள் கண்காணித்து வருகின்றனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
