குரியன்விளை கோயிலில் நாளை பந்திருநாழி பொங்கல் வழிபாடு

களியக்காவிளை அருகே பிரசித்திபெற்ற குரியன்விளை ஸ்ரீ பத்ரகாளி முடிப்புரை கோயிலில் வெள்ளிக்கிழமை (செப். 14) பந்திருநாழி பொங்கல் வழிபாடு நடைபெறுகிறது.
இதையொட்டி, கோயிலில் காலை கணபதி ஹோமம், மிருத்யுஞ்சய ஹோமம், தேவி பாகவத பாராயணம், நண்பகலில் அன்னதானம், மாலையில் சிறப்பு பூஜைகள் நடைபெறும்.
தொடர்ந்து மாலை 6.30 மணியளவில் முத்துக்குடை அணிவகுப்புடன் சுயம்பு எழுந்தருளல் நடைபெறும். இதையடுத்து,  பொங்காலை களத்தில் பொங்காலை வழிபாடு நடைபெறுகிறது. இவ் விழாவில் குமரி மாவட்ட எல்லைப் பகுதி மற்றும் கேரளத்தைச் சேர்ந்த ஏராளமான பக்தர்கள் கலந்து கொள்கிறார்கள். விழாவுக்கான ஏற்பாடுகளை கோயில் நிர்வாக கமிட்டியினர் செய்துவருகின்றனர்.