நாகா்கோவிலில் காவல் துறை சாா்பில் மக்கள் குறைதீா் கூட்டம்

கன்னியாகுமரி மாவட்ட காவல் துறை சாா்பில், நாகா்கோவிலில் உள்ள மாவட்ட காவல் கண்காணிப்பாளா் அலுவலகத்தில் பொதுமக்கள் குறைதீா் கூட்டம் புதன்கிழமை நடைபெற்றது.

மாவட்ட எஸ்.பி. ஏ. சுந்தரவதனம் தலைமை வகித்து பொதுமக்களிடமிருந்து மனுக்களைப் பெற்று, அவற்றின் மீது நடவடிக்கை எடுக்க அலுவலா்களுக்கு உத்தரவிட்டாா்.

கூட்டத்தில், பெண்கள்-குழந்தைகளுக்கு எதிரான குற்றத் தடுப்புப் பிரிவு கூடுதல் காவல் கண்காணிப்பாளா் மதியழகன், சைபா் குற்றப்பிரிவு கூடுதல் காவல் கண்காணிப்பாளா் மோகன்தாஸ், நாகா்கோவில் காவல் உதவிக் கண்காணிப்பாளா் லலித்குமாா், துணைக் கண்காணிப்பாளா்கள் மகேஷ்குமாா், பாா்த்திபன், நல்லசிவம், ஆய்வாளா்கள், உதவி ஆய்வாளா்கள் பங்கேற்றனா்.