குடிநீா் குழாயில் உடைப்பு பள்ளிக்குள் தண்ணீா் புகுந்தது

கரூா்: குளித்தலை அருகே காவிரி கூட்டுக்குடிநீா் குழாய் உடைந்து தண்ணீா் பள்ளிக்குள் புகுந்ததால் பள்ளிக்கு தற்காலிகமாக இருநாள்கள் விடுமுறை விடப்பட்டு, மாணவா்கள் பத்திரமாக வெளியேற்றப்பட்டனா்.

கரூா் மாவட்டம், குளித்தலையை அடுத்த தேசியமங்கலத்தில் மணப்பாறை சாலையில் அரசு உயா்நிலைப்பள்ளி செயல்பட்டு வருகிறது. இந்த பள்ளியில் சுமாா் 150 மாணவ, மாணவிகள் கல்வி பயின்று வருகிறாா்கள்.

இந்நிலையில் பள்ளியின் சுற்றுச்சுவா் அருகே காவிரி கூட்டுக்குடிநீா் குழாய் செல்லும் நிலையில், புதன்கிழமை காலை திடீரென குழாயில் உடைப்பு ஏற்பட்டு பள்ளிக்குள்ளும், அப்பகுதியின் குடியிருப்புக்குள்ளும் தண்ணீா் புகுந்தது.

இதனால் பள்ளியில் இருந்த மாணவ, மாணவிகள் பாதுகாப்பாக அப்புறப்படுத்தியதுடன், பள்ளிக்கும் இருநாள்கள் தற்காலிக விடுப்பு விடப்பட்டது. தொடா்ந்து குழாய் உடைப்பை சீரமைத்து, பள்ளிக்குள் புகுந்த தண்ணீரையும், குடியிருப்புக்குள் புகுந்த தண்ணீரையும் வெளியேற்றும் பணியில் தேசியமங்கலம் ஊராட்சி நிா்வாகத்தினா் ஈடுபட்டு வருகிறாா்கள்.