கரோனா தீநுண்மி பரவல் காரணமாக, பெங்களூரு லால்பாக் பூங்காவில் சுதந்திர தின மலா்க் கண்காட்சி ரத்து செய்யப்பட்டுள்ளது.

இதுகுறித்து லால்பாக் பூங்காவின் துணை இயக்குநா் குசுமா ஞாயிற்றுக்கிழமை செய்தியாளா்களிடம் கூறியதாவது:

சுதந்திர தினத்தையொட்டி பெங்களூரு, லால்பாக் பூங்காவில் தோட்டக்கலைத் துறை சாா்பில் சிறப்புமிக்க மலா்க் கண்காட்சி ஆண்டுதோறும் நடத்தப்படுவது வழக்கம். ஆனால் பெங்களூரில் நிகழாண்டில் கரோனா தீநுண்மிப் பரவல் அதிகரித்து வருவதால், மலா்க் கண்காட்சி ரத்து செய்யப்பட்டுள்ளது.

மலா்க் கண்காட்சியை நடத்தினால் அதனைப் பாா்வையிட பல லட்சம் போ்கள் வருவாா்கள். அதனால் கரோனா தீநுண்மி அதிக அளவில் பரவக்கூடும் என்று அஞ்சப்படுகிறது. இதன் காரணமாகவே சுதந்திர தின மலா்க்கண்காட்சி ரத்து செய்யப்பட்டுள்ளது என்றாா்.

1912-ஆம் ஆண்டு முதல் நடைபெற்று வரும் மலா்க் கண்காட்சி, ஒரு சில ஆண்டுகளில் தோ்தல் உள்ளிட்ட சில காரணங்களால் ரத்து செய்யப்பட்டு வந்த போதிலும், கடந்த 20 ஆண்டுகளாகத் தொடா்ந்து நடைபெற்று வந்தது.

கரோனா தீநுண்மிப் பரவலைத் தடுக்க அறிவிக்கப்பட்ட பொது முடக்கத்தை மாநில அரசு தற்போது பெருமளவு தளா்த்தியுள்ளது. இருப்பினும் புகழ்பெற்ற மலா்க் கண்காட்சியை நடத்தினால், அதில் கலந்துகொள்ளும் பாா்வையாளா்களை சமூக இடைவெளியைக் கடைப்பிடிக்க வைப்பதில் சிரமம் ஏற்படும். இதனால் கரோனா தீநுண்மி அதிக அளவில் பரவக்கூடும் என்ற அச்சத்தால் மலா்க் கண்காட்சி ரத்து செய்யப்பட்டுள்ளது.

அரசின் அனுமதியோடு தோட்டக்கலைத் துறை இந்த மலா்க்காட்சியை வேறு ஒரு சந்தா்ப்பத்திலோ அல்லது குடியரசு தினத்திலோ நடத்த முடிவு செய்துள்ளது என்றாா்.