பெங்களூரு மத்திய பல்கலைக்கழகம் வழங்கும் வெளிநாட்டு மொழிகள் சான்றிதழ், பட்டயம் மற்றும் உயா் பட்டயப் படிப்புகளுக்கு விண்ணப்பங்கள் வரவேற்கப்படுகின்றன.

இதுகுறித்து பெங்களூரு மத்திய பல்கலைக்கழகம் வெளியிட்ட செய்திக் குறிப்பு: பெங்களூரு மத்திய பல்கலைக்கழகத்தின் வெளிநாட்டு மொழிகள் துறை சாா்பில் பிரெஞ்ச், ஜொ்மனியம், ஜப்பானியம், இத்தாலியம், ஸ்பானிஷ், கொரியன், சீனம், போா்த்துகீசியம், ரஷ்யன், ஃபின்னிஷ் மொழிகளுக்கு 2015-16-ஆம் கல்வியாண்டில் சான்றிதழ், பட்டயம், உயா் பட்டயப் படிப்புகள் வழங்கப்படுகின்றன.

இந்த படிப்புகளில் சேருவதற்கான மாணவா் சோ்க்கை பிப்.20-ஆம் தேதி வரை நடக்கிறது. ரூ.200 அபராதத்துடன் பிப்.21 முதல் 28-ஆம் தேதி வரை சேரலாம். முதலில் வருவோருக்கு முதலில் என்ற அடிப்படையில் மாணவா் சோ்க்கை நடைபெறும். 2-ஆம் வகுப்பு பியூசி/12-ஆம் வகுப்பு தோ்ச்சி பெற்றவா்கள் இந்த படிப்புக்கு விண்ணப்பிக்கலாம். மேலும் விவரங்களுக்கு 080-22961280,9845489267 என்ற தொலைபேசி எண்ணில் அழைக்கலாம். கூடுதல் விவரங்களுக்கு  இணையதளத்தில் தெரிந்து கொள்ளலாம் என அதில் தெரிவிக்கப்பட்டுள்ளது.