கா்நாடகத்தில் அடுத்த 5 ஆண்டுகளில் 300 பில்லியன் டாலா் மதிப்பிலான டிஜிட்டல் பொருளாதாரம் கட்டமைக்க இலக்கு நிா்ணயிக்கப்பட்டுள்ளது என முதல்வா் எடியூரப்பா தெரிவித்தாா்.

பெங்களூரில் வியாழக்கிழமை நடைபெற்ற பெங்களூரு தொழில்நுட்ப உச்சிமாநாட்டில் பங்கேற்று அவா் பேசியதாவது:

கா்நாடகத்தில் அடுத்த 5 ஆண்டுகளில் 300 பில்லியன் அமெரிக்க டாலா் மதிப்பிலான டிஜிட்டல் பொருளாதாரத்தை கட்டமைக்க கா்நாடக அரசு திட்டமிட்டு, இலக்கு நிா்ணயித்துள்ளது. 2025-ஆம் ஆண்டுக்குள் நாட்டின் உயிரிதொழில்நுட்ப பொருளாதாரத்தின் சந்தையில் 50 சதவீத பங்கை பெற கா்நாடகம் திட்டமிட்டுள்ளது. அதன்படி 100 பில்லியன் அமெரிக்க டாலா் பொருளாதாரத்தை அடைய இலக்கு வகுத்துள்ளோம். இதை அடைவதற்கு தேவையான அனைத்து வகையான நடவடிக்கைகளையும் எடுத்திருக்கிறோம் என்றாா்.

நிகழ்ச்சியில் பங்கேற்று பேசிய தகவல் தொழில்நுட்பத் துறையைக் கவனிக்கும் துணை முதல்வா் அஸ்வத் நாராயணா, ‘அடுத்த 5 ஆண்டுகளில் கா்நாடக டிஜிட்டல் பொருளாதாரத்தை 52 பில்லியன் அமெரிக்க டாலரில் இருந்து 300 பில்லியன் அமெரிக்க டாலராக கட்டமைக்கத் தேவையான அனைத்து நடவடிக்கைகளையும் எடுத்து வருகிறோம். இந்திய பொருளாதாரத்தை ஒரு டிரில்லியன் அமெரிக்க டாலா் அளவுக்கு மதிப்பு வாய்ந்ததாக மாற்றியமைக்க பிரதமா் மோடி வகுத்துள்ள கனவு திட்டத்துக்கு, கா்நாடகத்தின் மிக முக்கியமான பங்களிப்பாக இது அமையும். இந்த இலக்கை அடைவதற்கு கா்நாடக டிஜிட்டல் பொருளாதாரத் திட்டத்தை அமைத்திருக்கிறோம். இந்த தொழில்நுட்பத் திட்டத்தால் மாநிலத்தின் டிஜிட்டல் பொருளாதாரம் பன்மடங்கு உயரும்.

இந்தியாவில் முதலீடு செய்வோம் மாதிரியில் கா்நாடக டிஜிட்டல் திட்டத்தை பயன்படுத்தி கா்நாடகத்தின் தொழில்நுட்பத் துறைகளை மேம்படுத்துவோம். இது கா்நாடகத்தின் பிராண்ட்-ஐ உயா்த்த வழிவகுக்கும். இதுபோன்ற திட்டங்களால், அடுத்த 5 ஆண்டுகளில் தகவல் தொழில்நுட்ப ஏற்றுமதியை மட்டும் 150 அமெரிக்க பில்லியன் டாலராக உயா்த்த திட்டமிட்டிருக்கிறோம்’ என்றாா்.