உரிய ஆவணங்கள் இன்றி செல்லிடப்பேசிகள் விற்பனை: 3 போ் கைது

கலாசிபாளையம் காவல் சரகத்தில் காரில் உரிய ஆவணங்கள் இன்றி செல்லிடப்பேசிகள் விற்பனை செய்த 3 பேரைக் கைது செய்து, ரூ. 26 லட்சம் மதிப்புள்ள 250 செல்லிடப்பேசிகள், காா் போன்றவற்றை போலீஸாா் பறிமுதல் செய்தனா்.

ஆந்திரத்தைச் சோ்ந்த ராஜு, கேரளத்தைச் சோ்ந்த நிஜாமுதீன், தெலங்கானா மாநிலத்தைச் சோ்ந்த முகமது ரஃபி. இவா்கள் 3 பேரும் பெங்களூரு, கலாசிபாளையம் பகுதியில் காரில் உரிய ஆவணங்கள் இன்றி செல்லிடப்பேசிகளை விற்பனை செய்து வந்தனராம்.

இது குறித்து தகவல் அறிந்த போலீஸாா், 3 பேரையும் கைது செய்து, அவா்களிடம் இருந்து ரூ. 26 லட்சம் மதிப்புள்ள 250 செல்லிடப்பேசிகள், காரை பறிமுதல் செய்தனா். இது குறித்து வழக்கு பதிந்த கலாசிபாளையா போலீஸாா், செல்லிடப்பேசிகள் திருடப்பட்டதா அல்லது கொள்ளையடிக்கப்பட்டதா என்ற கோணத்தில் விசாரணை நடத்தி வருகின்றனா்.