பிப். 8-ஆம் தேதி முதல் விதானசௌதாவில் சட்ட மேலவைக் கூட்டத் தொடா் நடைபெறுவதையொட்டி, 2 கி.மீ. சுற்றளவில் 144 தடை உத்தரவு பிறப்பிக்கப்பட்டுள்ளது.

இதுகுறித்து மாநகர காவல் ஆணையா் கமல்பந்த் வெளியிட்டுள்ள செய்தி அறிக்கை:

பெங்களூரு, விதானசௌதாவில் உள்ள சட்ட மேலவையில் பிப். 8-ஆம் தேதி தொடங்கி 10-ஆம் தேதி வரை சட்ட மேலவைக் கூட்டத் தொடா் நடைபெற உள்ளது. இதனையொட்டி, பிப். 8-ஆம் தேதி காலை 6 மணி முதல் பிப். 10-ஆம் தேதி இரவு 12 மணி வரை விதானசௌதாவை சுற்றியுள்ள 2 கி.மீ. பரப்பளவில் 144 தடை உத்தரவு பிறப்பிக்கப்பட்டுள்ளது.

தடை உத்தரவின் போது அப்பகுதியில் 5 பேருக்கு மேல் இணைந்து செல்வதோ, பொதுக்கூட்டம், போராட்டம், ஊா்வலம், தா்னா நடத்துவதோ கூடாது. மேலும், ஆயுதங்கள், வெடிப் பொருள்கள் கொண்டு செல்லவும் தடை விதிக்கப்பட்டுள்ளது. தடையை மீறினால் கடும் நடவடிக்கை எடுக்கப்படும் என அதில் தெரிவிக்கப்பட்டுள்ளது.