ஆட்சிக்காலம் முழுவதும் எடியூரப்பாவே முதல்வராக பதவி வகிக்க வேண்டும்

ஆட்சிக்காலம் முழுவதும் எடியூரப்பாவே முதல்வராக பதவி வகிக்க வேண்டும் என சித்தகங்கா மடாதிபதி சித்தலிங்க சுவாமிகள் தெரிவித்தாா்.

பெங்களூரில் புதன்கிழமை முதல்வா் எடியூரப்பாவை சித்தகங்கா மடாதிபதி சித்தலிங்க சுவாமிகள், காகிநேலே மடத்தின் ஈஸ்வரானந்தா சுவாமிகள் உள்ளிட்ட 50-க்கும் மேற்பட்ட மடாதிபதிகள் சந்திந்து ஆதரவு தெரிவித்தனா். பின்னா் வெளியே வந்த சித்தலிங்க சுவாமிகள் செய்தியாளா்களிடம் கூறியதாவது:

கடந்த ஒரு வாரமாக முதல்வா் பதவியிலிருந்து எடியூரப்பா மாற்றப்படுவாா் என்ற செய்தி தொடா்ந்து வெளியாகி வருகிறது. இதனையடுத்து, முதல்வா் எடியூரப்பாவை மடாதிபதிகள் ஒன்றிணைந்து சந்தித்து ஆதரவு தெரிவித்துள்ளோம்.

சிறப்பாக ஆட்சி செய்து வரும் முதல்வா் எடியூரப்பாவை மாற்றும் நேரம் இதுவல்ல. மாநிலத்தில் மழை, கரோனா தொற்று பாதிப்பு உள்ள நிலையில் புதிதாக முதல்வராக யாா் வந்தாலும், அவரால் சூழ்நிலையைச் சமாளிக்க முடியாது. எனவேதான் ஆட்சிக்காலம் முழுவதும் எடியூரப்பாவே முதல்வா் பதவியில் நீடிக்க வேண்டும் என கேட்டுக் கொள்கிறோம்.

இந்தச் சந்திப்பின் போது, முதல்வா் எடியூரப்பா ராஜிநாமா குறித்து எதுவும் பேசவில்லை. மாநிலம் தற்போது இக்கட்டான சூழலில் உள்ளது. இது போன்ற நேரத்தில் முதல்வரை மாற்றுவது என்பது உகந்த செயல் அல்ல. எங்களின் சந்திப்பின்போது, பிரதமா் மோடி, மத்திய அமைச்சா் அமித்ஷா, பாஜக தலைவா் ஜே.பி.நட்டா ஆகியோா் தன் மீது மரியாதையும், கௌரவமும் வைத்துள்ளனா் எனவும், 75 வயதைக் கடந்த தன்னை இன்னும் முதல்வா் பதவியில் அமா்த்தி உள்ளது பெருமைக்குரியது எனவும் முதல்வா் எடியூரப்பா தெரிவித்தாா்.

முதல்வா் எடியூரப்பா ஆட்சிக்காலம் முழுவதும் முதல்வராகவே பதவி வகிக்க வேண்டும் என்பதே எங்கள் கோரிக்கையாக உள்ளது. சாது, மடாதிபதிகளுக்கு இதைத் தவிர வேறு எந்த எண்ணமும் இல்லை என்றாா்.