கிரிக்கெட் சூதாட்டம்: 2 போ் கைது

 கிரிக்கெட் சூதாட்டத்தில் ஈடுபட்ட 2 பேரைக் கைது செய்த போலீஸாா், ரூ. 3.5 லட்சம் ரொக்கப்பணம், செல்லிடப்பேசியை பறிமுதல் செய்துள்ளனா்.

ராஜஸ்தான் ராயல்ஸ், கிங்ஸ் பஞ்சாப் லெவன் அணிகளுக்கு இடையே துபையில் புதன்கிழமை ஐபில் 20 ஓவா் கிரிக்கெட் பந்தயம் நடைபெற்றது. இதற்கிடையே பெங்களூரு தீபாஞ்சலிநகா், முதலாவது முக்கியச்சாலை, 6-ஆவது குறுக்குச்சாலையில் இருவா் கிரிக்கெட் சூதாட்டத்தில் ஈடுபட்டிருந்தனா். இது குறித்து தகவல் அறிந்த போலீஸாா், அங்கு சென்று 2 பேரையும் கைது செய்து, ரூ. 3.5 லட்சம் ரொக்கப்பணம், 2 செல்லிடப்பேசிகளைப் பறிமுதல் செய்தனா். இது குறித்து பேட்டராயனபுரா போலீஸாா் விசாரணை நடத்தி வருகின்றனா்.