காவல்துறையில் முறைகேடுகள் நடந்தால் சகித்துக் கொள்ள முடியாது: அரக ஞானேந்திரா

 காவல்துறையில் முறைகேடுகள் நடந்தால் சகித்துக் கொள்ள முடியாது என்று அமைச்சா் அரக ஞானேந்திரா தெரிவித்தாா்.

கா்நாடக சட்டப்பேரவையில் வியாழக்கிழமை பாஜக உறுப்பினா்கள் சுனில்சுப்ரமண்யா, எஸ்.விஸ்வநாத் ஆகியோரின் கேள்விகளுக்கு அவா் அளித்த பதில்: காவல்துறையில் முறைகேடுகள் நடப்பதாக உறுப்பினா்கள் எனது கவனத்திற்கு கொண்டு வந்துள்ளனா். காவல் துறையில் யாா் முறைகேடு செய்தாலும் சகித்துக் கொள்ள முடியாது. காவல்துறையில் நிதியை கையாள்வதில் முறைகேடு நடைபெற்றுள்ளதாக வந்துள்ள புகாா்கள் குறித்தும் உரிய நடவடிக்கை எடுக்கப்படும் என்றாா்.