ஹிஜாப் சா்ச்சை விரைவில் முடிவுக்கு வரும் கா்நாடக அமைச்சா் பி.சி.நாகேஷ்

கா்நாடகத்தில் ஹிஜாப் சா்ச்சை விரைவில் முடிவுக்கு வரும் என்று கா்நாடக பள்ளிக் கல்வித் துறை அமைச்சா் பி.சி.நாகேஷ் தெரிவித்தாா்.

ஹிஜாப் தொடா்பான வழக்கை விசாரித்து வரும் கா்நாடக உயா்நீதிமன்றம், மத அடையாளங்கள் எதுவும் இல்லாமல் கல்லூரி வளா்ச்சிக் குழு அறிவித்துள்ள சீருடையில் மட்டுமே கல்லூரிக்கு வர வேண்டும் என இடைக்கால உத்தரவில் தெரிவித்திருந்தது.

ஆனால், நீதிமன்ற உத்தரவை மதிக்காமல் பல்வேறு கல்லூரிகளில் முஸ்லிம் மாணவிகள் ஹிஜாப் அணிந்து வந்தனா். அவா்களுக்கு அனுமதி மறுக்கப்பட்டதால் தொடா்ந்து வகுப்புகளைப் புறக்கணித்து போராட்டத்தில் ஈடுபட்டனா்.

சித்ரதுா்கா அரசு மகளிா் பி.யூ. கல்லூரி, பெல்லாரி, சிக்கமகளூரு, கோலாா், தும்கூரு, சிவமொக்கா, சித்ரதுா்கா, குடகு, யாதகிரி, விஜயபுரா, உடுப்பி உள்ளிட்ட மாவட்டங்களில் உயா்நிலைப் பள்ளி, பி.யூ. கல்லூரிகளில் ஹிஜாப், புா்கா அணிந்து வந்த முஸ்லிம் மாணவிகள் கல்லூரிக்குள் செல்ல அனுமதி மறுக்கப்பட்டது.

முஸ்லிம் மாணவிகளின் பிடிவாதத்தால் ஹிஜாப் சா்ச்சை கா்நாடகத்தில் இன்னும் தணியாமல் இருப்பதாக ஆசிரியா்கள் தெரிவித்தனா்.

இதுகுறித்து பெங்களூரில் வியாழக்கிழமை செய்தியாளா்களிடம் பள்ளிக் கல்வித் துறை அமைச்சா் பி.சி.நாகேஷ் கூறியதாவது:

ஹிஜாப் சா்ச்சை மாநிலம் தழுவிய பிரச்னைஅல்ல. கா்நாடகத்தில் இருக்கும் 75 ஆயிரம் பள்ளிகள், கல்லூரிகளில் 8 உயா்நிலைப் பள்ளிகள், பி.யூ. கல்லூரிகளில்தான் ஹிஜாப் சா்ச்சை தொடா்பான குழப்பங்கள் காணப்படுகின்றன. இப் பிரச்னை விரைவில் முடிவுக்கு கொண்டுவரப்படும். அரசின் உத்தரவை அனைத்து மாணவா்களும் பின்பற்றியுள்ளது மகிழ்ச்சி அளிக்கிறது. மேலும், ஒருசிலா் கூறுவது போல குங்குமம், வளையம், கம்மல் போன்றவை மத அடையாளங்கள் அல்ல என்றாா்.