பையப்பனஹள்ளி மெட்ரோ ரயில் நிலையத்தில் ரயில் புறப்படும் தடம் மாற்றம்

பையப்பனஹள்ளி மெட்ரோ ரயில்நிலையத்தில் இருந்து ரயில் புறப்படும் தடம் மாற்றம் செய்யப்பட்டுள்ளது.

இது குறித்து பெங்களூரு மெட்ரோ ரயில் கழகம் வெளியிட்டுள்ள செய்திக்குறிப்பு:

பையப்பனஹள்ளி மெட்ரோ ரயில்நிலையத்தில் ஒயிட்பீல்டு நோக்கி விரிவாக்கப்பணி நடைபெறவிருப்பதால், பையப்பனஹள்ளி மெட்ரோ ரயில்நிலையத்தில் இருந்து ரயில் புறப்படும் மற்றும் வருகைதரும் தடம் மாற்றப்பட்டுள்ளது. அதன்படி, 3-ஆவது தடத்தில் இருந்து ரயில்கள் புறப்படும், வருகை தரும். மாா்ச் 2-ஆம் தேதி முதல் அமலுக்கு வரும் இந்த நடைமுறை, அடுத்த 6 மாதங்களுக்கு எவ்வித மாற்றமும் இல்லாமல் செயல்படுத்தப்படும். இதனால் ரயில் புறப்படும், வருகை தரும் நேரங்களில் எவ்வித மாற்றமும் செய்யப்படவில்லை. இந்தவகையில் மக்களின் ஒத்துழைப்பை எதிா்பாா்க்கிறோம் என்று அதில் கூறப்பட்டுள்ளது.