மெட்ரோ ரயில் இயக்கப்படும் நேரத்தில் மாற்றம்

 மெட்ரோ ரயில் இயக்கப்படும் நேரத்தில் மாற்றம் செய்யப்பட்டுள்ளது.

இது குறித்து பெங்களூரு மெட்ரோ ரயில்கழகம் வெளியிட்டுள்ள செய்திக்குறிப்பு:

கரோனா பரவல் தடுப்பு நடவடிக்கையாக, மக்கள் நடமாட்டம் கட்டுப்படுத்தப்பட்டதாலும், வார இறுதி பொதுமுடக்கம் அமல்படுத்தப்பட்டதாலும் மெட்ரோ ரயில்களின் இயக்க நேரம் குறைக்கப்பட்டிருந்தது. தற்போது, ஜன. 22-ஆம் தேதி முதல் வார இறுதி பொது ஊரடங்கை மாநில அரசு திரும்பப் பெற்றுள்ளதால், ஞாயிற்றுக்கிழமை நீங்கலாக வாரத்தின் எல்லா நாட்களிலும் மெட்ரோ ரயில்கள் தினமும் காலை 5 மணி முதல் இரவு 11 மணி வரை இயக்கப்படும். ஞாயிற்றுக்கிழமைகளில் மட்டும் காலை 7 மணி முதல் இரவு 11 மணி வரை மெட்ரோ ரயில்கள் இயக்கப்படும் என்று அதில் கூறப்பட்டுள்ளது.