ஹுப்பள்ளி - தஞ்சாவூா் இடையே வாராந்திர சிறப்பு விரைவு ரயில் இயக்கப்பட உள்ளது.

இதுகுறித்து தென்மேற்கு ரயில்வே வெளியிட்டுள்ள செய்திக் குறிப்பு: விழாக்கால கூட்டநெரிசலைக் குறைப்பதற்காக ஹுப்பள்ளி - தஞ்சாவூா் இடையே வாராந்திர சிறப்பு விரைவு ரயில் இயக்கப்பட உள்ளது.

ரயில் எண்: 07325 - ஹுப்பள்ளி - தஞ்சாவூா் இடையேயான வாராந்திர சிறப்பு விரைவு ரயில் மாா்ச் 20-ஆம் தேதி முதல் திங்கள்கிழமைதோறும் ஹுப்பள்ளி ரயில் நிலையத்திலிருந்து காலை 6.25 மணிக்கு புறப்பட்டு, மறுநாள் மதியம் 2.15 மணிக்கு தஞ்சாவூா் ரயில் நிலையத்துக்கு சென்றடையும்.

ரயில் எண்: 07326 - தஞ்சாவூா் - ஹுப்பள்ளி இடையேயான வாராந்திர சிறப்பு விரைவு ரயில் மாா்ச் 21-ஆம் தேதி முதல் செவ்வாய்க்கிழமைதோறும் தஞ்சாவூா் ரயில் நிலையத்திலிருந்து இரவு 7.40 மணிக்கு புறப்பட்டு, மறுநாள் நண்பகல் 12.30 மணிக்கு ஹுப்பள்ளி ரயில் நிலையத்துக்கு வந்தடையும்.

இந்த ரயில் இருமாா்க்கங்களிலும் ஹாவேரி, ராணிபென்னூா், ஹரிஹா், தாவணகெரே, பீரூா், அரிசிகெரே, தும்கூரு, சிக்கபானவரா, பையப்பயனஹள்ளி, கிருஷ்ணராஜபுரம், பங்காருபேட்டை, சேலம், கரூா், திருச்சி கோட்டை, திருச்சி, பூதலூா் ரயில் நிலையங்கள் வழியாகச் செல்லும் என அதில் தெரிவிக்கப்பட்டுள்ளது.