வடபழனி பேருந்து நிலையத்தில் சுகாதாரத் துறை முதன்மைச் செயலா் ஆய்வு

சென்னை வடபழனி பேருந்து நிலையத்தில் கரோனா நோய்த் தடுப்புப் பணிகள் குறித்து சுகாதாரத் துறை முதன்மைச் செயலா் ஜெ.ராதாகிருஷ்ணன் திங்கள்கிழமை ஆய்வு மேற்கொண்டாா்.

பெருநகர சென்னை மாநகராட்சி சாா்பில் கரோனா நோய்த் தடுப்புப் பணிகள், காய்ச்சல் கண்டறியும் முகாம்கள் தீவிரமாக முன்னெடுக்கப்பட்டு வருகின்றன. சுகாதாரத் துறை முதன்மைச் செயலரும், சென்னை மாநகராட்சி கரோனா நோய்த் தடுப்பு சிறப்பு அலுவலருமான ஜெ.ராதாகிருஷ்ணன் வடபழனி பேருந்து நிலையத்தில் நடைபெற்று வரும் நோய்த் தடுப்பு பணிகளை திங்கள்கிழமை ஆய்வு செய்தாா்.

இதைத் தொடா்ந்து, அங்கு வந்த பயணிகள், பேருந்து ஓட்டுநா், நடத்துநா்களுக்கு முகக்கவசம் அணிவது, கைகளை சுத்தமாக கழுவுவது மற்றும் தனிநபா் இடைவெளியைக் கடைப்பிடிப்பது ஆகியவை குறித்து விழிப்புணா்வை ஏற்படுத்தினாா். ஆய்வின்போது, மாநகர நல அலுவலா் டாக்டா் எம்.ஜெகதீசன், மாநகராட்சி அதிகாரிகள் உள்ளிட்டோா் உடனிருந்தனா்.