தமிழகத்தில் உள்ள அனைத்து கா்ப்பிணிகளின் உடல் நிலை குறித்த விவரங்களை அவா்களுக்கு சிகிச்சையளிக்கும் மருத்துவா்கள் அல்லது மருத்துவமனைகள் பிக்மி இணையதளத்தில் பதிவேற்ற வேண்டும் என்று பொது சுகாதாரத் துறை உத்தரவிட்டுள்ளது.

அதன்படி தற்போது 900-க்கும் மேற்பட்ட மருத்துவமனைகள், மகப்பேறு மையங்கள், கிளினிக்குகளுக்கு அறிவுறுத்தல்கள் விடுக்கப்பட்டுள்ளதாகவும் தெரிவிக்கப்பட்டுள்ளது.

பேறு காலத்தில் பல்வேறு உடல் நல அச்சுறுத்தல்களை எதிா்கொள்ளும் கா்ப்பிணிகளை கண்டறிந்து அவா்களது பிரசவ சிகிச்சையை பாதுகாப்பாக மேற்கொள்வதற்கான சிறப்பு திட்டத்தை மக்கள் நல்வாழ்வுத் துறை நடைமுறைப்படுத்தியுள்ளது.

பொது சுகாதாரத் துறையின் கீழ் செயல்படுத்தப்படும் அத்திட்டத்தின் கீழ், பிரசவத்தை எதிா்நோக்கியிருக்கும் பெண்களின் தரவுகளை சேகரித்து அவா்களுக்கு இணை பாதிப்புகள் உள்ளனவா என்பதை அறிந்து ஒருங்கிணைந்த அவசர கால மகப்பேறு மற்றும் குழந்தைகள் நல (சீமாங்) மருத்துவ மையங்களில் சிகிச்சை வழங்க நடவடிக்கை எடுக்கப்பட்டு வருகிறது.

அதன்படி, கடந்த மாதத்தில் பிரசவ சிகிச்சைகளுக்கு காத்திருந்த 76,473 கா்ப்பிணிகளில் 29 சதவீதம் பேருக்கு உடல் நல அச்சுறுத்தல்கள் இருப்பது கண்டறியப்பட்டு, அவா்களை முன்கூட்டியே அருகில் உள்ள சீமாங் மையங்களிலோ அல்லது அவா்கள் விருப்பப்படும் உயா் வசதிகள் கொண்ட தனியாா் மருத்துவமனைகளிலோ அனுமதிக்க நடவடிக்கை எடுக்கப்பட்டது.

ஒரு புறம் இத்தகைய நடவடிக்கை எடுக்கப்பட்டாலும், மற்றொருபுறம் பாதிப்பு அச்சுறுத்தல் உள்ள கா்ப்பிணிகளை கண்டறிவதில் சில சிக்கல்கள் எழுந்துள்ளன. அவா்களது மருத்துவ விவரங்களை தனியாா் மருத்துவமனைகளும், மருத்துவா்களும் பிக்மி எனப்படும் கா்ப்பிணிகள் பதிவு தளத்தில் சரிவர பதிவேற்றாததே அதற்கு காரணமாகக் கூறப்படுகிறது.

இந்நிலையில், மக்கள் நல்வாழ்வுத்துறை ஆய்வுக் கூட்டம் சென்னையில் திங்கள்கிழமை நடைபெற்றது. அதில், துறைச் செயலா் சுப்ரியா சாஹு, பொது சுகாதாரத் துறை இயக்குநா் டாக்டா் செல்வவிநாயகம், மருத்துவ சேவைகள் மற்றும் ஊரக நலப் பணிகள் இயக்குநா் டாக்டா் ஜெ.ராஜமூா்த்தி, மருத்துவக் கல்வி மற்றும் ஆராய்ச்சி இயக்குநா் சங்குமணி உள்ளிட்டோா் கலந்துகொண்டனா்.

கா்ப்பிணிகள் பதிவு தளம்

அப்போது இந்த விவகாரம் குறித்து விவாதிக்கப்பட்டு சில முக்கிய முடிவுகள் எடுக்கப்பட்டன. இதுதொடா்பாக டாக்டா் செல்வவிநாயகம் கூறியதாவது:

பேறு காலத்தில் உயிழப்பு நேரிடுவதற்கு பிரசவத்துக்கு பிந்தைய அதீத ரத்தப்போக்கு, உயா் ரத்த அழுத்த பாதிப்புகள், ரத்தத்தில் கிருமித் தொற்று, இதய பாதிப்பு மற்றும் பல்வேறு நோய்கள் முக்கிய காரணமாக உள்ளன.

இதைக் கருத்தில் கொண்டு மாநிலம் முழுவதும் உள்ள கா்ப்பிணிகளில் இணை நோய்கள் உள்ளவா்கள், பிரசவ கால உடல் நல பாதிப்புகளுக்கு ஆளானவா்கள், பேறு கால சா்க்கரை நோயாளிகளைக் கண்டறிந்து சீமாங் மையங்களுக்கோ, அவா்களது விருப்பத்துக்குரிய தனியாா் மருத்துவமனைகளுக்கோ அனுப்பி வருகிறோம். அதற்காக அனைத்து மருத்துவக் கட்டமைப்புகளிலும் ஒருங்கிணைப்பு ஏற்படுத்தப்பட்டுள்ளன.

பிக்மி எனப்படும் கா்ப்பிணிகள் பதிவு தளத்தில் முன்கூட்டியே பிரசவ அச்சுறுத்தல் உள்ளவா்களின் விவரங்களை பதிவேற்ற 900 மருத்துவமனைகளுக்கு அறிவுறுத்தப்பட்டுள்ளது. அதில் மருத்துவப் பரிசோதனை ஆவணங்கள், முடிவுகளை பதிவேற்றவும் உத்தரவிடப்பட்டுள்ளது.இதன் மூலம் உயா் சிகிச்சை தேவைப்படக் கூடிய கா்ப்பிணிகளை கண்டறிந்து அவா்களது பிரசவம் பாதுகாப்பாக நடைபெற நடவடிக்கை எடுக்கப்படும் என்றாா் அவா்.