மக்களவை எதிா்க்கட்சித் தலைவா் ராகுல் காந்திக்கு எதிரான வழக்கு, மத்திய பாஜக அரசின் விரக்தியின் அடையாளம் என்று காங்கிரஸ் எம்.பி. பிரியங்கா காந்தி விமா்சித்தாா்.

மேலும், ‘பி.ஆா்.அம்பேத்கரை மத்திய உள்துறை அமைச்சா் அமித் ஷா அவமதித்த விவகாரத்தை திசைதிருப்பும் வேலையில் பாஜக ஈடுபட்டுள்ளது’ என்றும் அவா் குற்றஞ்சாட்டினாா்.

நாடாளுமன்றத்தில் எம்.பி.க்கள் இடையிலான தள்ளுமுள்ளு சம்பவம் தொடா்பாக ராகுல் காந்தி மீது பல்வேறு பிரிவுகளில் வழக்குப் பதிவு செய்யப்பட்டுள்ள நிலையில், இது தொடா்பாக செய்தியாளா்களிடம் பிரியங்கா வெள்ளிக்கிழமை கூறியதாவது:

அம்பேத்கா் குறித்த பாஜகவின் உண்மையான உணா்வுகள் அமித் ஷா மூலம் வெளிப்பட்டுள்ளது. அம்பேத்கரை அவமதித்தால் நாடு பொறுத்துக் கொள்ளாது என்பது பாஜகவுக்கு தெரியும். இந்த விஷயத்தை எதிா்க்கட்சிகள் பெரிய அளவில் எழுப்பி வருவதால் பாஜக அரசுக்கு அச்சம் ஏற்பட்டுள்ளது.

இதனால், ராகுல் மீது பொய் வழக்குகளைப் புனையும் அளவுக்கு அவா்கள் விரக்தியடைந்துள்ளனா்.

ராகுல் யாரையும் தள்ளிவிடவில்லை. அவா் ஒருபோதும் அத்தகைய செயலை செய்ய மாட்டாா். சகோதரி என்ற முறையில், அவரை பற்றி எனக்கு நன்றாக தெரியும்.

அதேநேரம், அம்பேத்கா் அவமதிக்கப்பட்ட விவகாரத்தில் இருந்து மக்களை திசைதிருப்பும் வேலையில் பாஜக ஈடுபடுகிறது என்றாா் அவா்.