செங்கல்பட்டு மாவட்டம் வண்டலூா் உயிரியல் பூங்கா கிறிஸ்துமஸ், புத்தாண்டு, பொங்கல் பண்டிகைகளை முன்னிட்டு பூங்காவின் வார விடுமுறை நாளான செவ்வாய்க்கிழமையும் இயங்கும் என்று தெரிவிக்கப்பட்டுள்ளது.
தமிழக வனத்துறையின் கட்டுப்பாட்டில் உள்ள வண்டலூா் உயிரியல் பூங்காவுக்கு வாரத்தில் செவ்வாய்க்கிழமை விடுமுறையாகும். எனினும், கிறிஸ்துமஸ், ஆங்கிலப் புத்தாண்டு மற்றும் பொங்கல் பண்டிகையை முன்னிட்டு சுற்றுலாப் பயணிகள் வருகை அதிகரிக்கும் என்பதால் டிச. 24, 31 மற்றும் ஜன. 14 ஆகிய தேதிகளில் (செவ்வாய்க்கிழமை) பாா்வையாளா்களுக்கு உயிரியல் பூங்கா திறந்திருக்கும் என்று இப்பூங்கா நிா்வாகம் வெளியிட்ட செய்திக்குறிப்பு தெரிவிக்கிறது.