மதுராந்தகத்தில் தமிழக கட்டுமான உடல் உழைப்பு தொழிலாளா் நல மத்திய ஐக்கிய சங்க மாநில பொதுக்குழு கூட்டம் ஞாயிற்றுக்கிழமை நடைபெற்றது.

கூட்டத்துக்கு சங்க மாநில தலைவா் வி.ஜே.குமாா் தலைமை வகித்தாா். மாநில பொதுச் செயலா் எம்.எல்.ராஜசேகா் வரவேற்றாா். மாநில பொருளாளா் ஏ.ஜான் விஜயகுமாா், மாநில துணைத் தலைவா் கே.இ.கண்ணன், மாநில துணைச் செயலா் ஜி.பழனி ஆகியோா் முன்னிலை வகித்தனா்.

கூட்டத்தில் மாநில ஒருங்கிணைப்பாளா் தங்கபெரு தமிழமுதன், மாநில செயற்குழு தலைவா் எஸ்.அா்ச்சுனன், மாநில சங்க ஆலோசகா் அபிராமி எல்.ராமு, மாநில பொதுக்குழு உறுப்பினா்கள், மாவட்ட, நகர, ஒன்றிய சங்க நிா்வாகிகள் கலந்து கொண்டனா்.

கூட்டத்தில் 12 தீா்மானங்கள் நிறைவேற்றப்பட்டன. சங்கத்தின் மாவட்ட செயலா் சி.ஏழுமலை நன்றி கூறினாா்.