சென்னை, டிச. 15: மும்பை லோகமான்ய திலகர் ரயில் நிலையத்துக்கும் திருநெல்வேலிக்கும் இடையே வாராந்திர குளிர்கால சிறப்பு ரயில் இயக்கப்பட உள்ளது. இதனை தெற்கு ரயில்வே அறிவித்துள்ளது.

இந்த சிறப்பு ரயில் (01067), மும்பையிலிருந்து டிசம்பர் 24-ம் தேதி முதல் ஜனவரி 14-ம் தேதி வரை ஒவ்வொரு சனிக்கிழமையும் மாலை 4.55 மணிக்கு புறப்பட்டு, திங்கள்கிழமை காலை 5.05 மணிக்கு திருநெல்வேலி வந்து சேரும்.

மறு மார்க்கத்தில் இந்த ரயில் (01068) திருநெல்வேலியில் இருந்து டிசம்பர் 26-ம் தேதி முதல் ஜனவரி 16-ம் தேதி வரை ஒவ்வொரு திங்கள்கிழமையும் மதியம் 1 மணிக்குப் புறப்பட்டு, மறுநாள் இரவு 11.45 மணிக்கு மும்பை லோக்மான்ய திலகர் ரயில் நிலையம் சென்றடையும்.

வள்ளியூர், நாகர்கோவில், இரணியல், குளித்துறை, திருவனந்தபுரம், கொல்லம் வழியாக இந்த ரயில் செல்லும்.