பெருநகர சென்னை மாநகராட்சிப் பகுதிகளில் பொதுக் கழிப்பிடங்கள் எங்கெங்கு உள்ளன என்பதை கூகுள் மேப் மூலம் தெரிந்துகொள்ளும் வசதி ஏற்படுத்தப்பட்டுள்ளது.
சென்னை மாநகராட்சி சார்பில் 15 மண்டலங்களில் பொதுமக்களின் பயன்பாட்டுக்காக 853 இடங்களில் 6,701 இருக்கை வசதிகள் கொண்ட பொதுக் கழிப்பிடங்கள் அமைக்கப்பட்டு பராமரிக்கப்பட்டு வருகின்றன.
மத்திய அரசின் தூய்மை இந்தியா திட்டத்தின்கீழ் மத்திய வீட்டுவசதி, நகர்ப்புற வளர்ச்சித் துறை, பெருநகர சென்னை மாநகராட்சி, கூகுள் மேப் நிறுவனம் ஆகியவை இணைந்து சென்னையில் உள்ள பொதுக் கழிப்பிடங்களை கூகுள் மேப்பில் பதிவு செய்துள்ளது.
பொதுமக்கள் கூகுள் மேப்பில் ற்ர்ண்ப்ங்ற் என டைப் செய்தால் தங்கள் அருகாமையில் உள்ள பொதுக் கழிப்பிடங்களின் விவரங்கள், இருப்பிடம், முகவரி ஆகியவற்றைத் தெரிந்து கொள்ளலாம். மேலும், பொதுக் கழிப்பிடத்தின் தூய்மை, சுகாதாரம் குறித்த தங்களின் மதிப்பீடு, கருத்துகளைத் தெரிவிக்கும் வகையிலும் இது வடிவமைக்கப்பட்டுள்ளதாக மாநகராட்சி ஆணையர் அலுவலகம் தெரிவித்துள்ளது.