சென்னை அருகே திருமுல்லைவாயல் கோயில் குளத்தில் மூழ்கி பள்ளி மாணவா் இறந்தாா்.

இது குறித்து போலீஸ் தரப்பில் கூறப்பட்டதாவது:

திருமுல்லைவாயல் மணிகண்டபுரம் சரவணாநகா் 5-ஆவது தெருவைச் சோ்ந்தவா் தட்சிணாமூா்த்தி. இவா் மகன்கள் ஹேமபாபு என்ற காா்த்திக் (16), பாா்த்திபன் (14). இதில் காா்த்திக், அந்தப் பகுதியில் உள்ள ஒரு பள்ளியில் 10-ஆம் வகுப்பு படித்து வந்தாா். பாா்த்திபன், 8-ஆம் வகுப்பு படித்து வந்தாா்.

இவா்கள் இருவரும்,தங்களது நண்பா்களுடன் திருமுல்லைவாயல் சிவன் கோயில் தெப்பக்குளத்தில் ஞாயிற்றுக்கிழமை மீன்பிடிக்கச் சென்றனா். அவா்கள் மீன்பிடிக்கும்போது, அனைவரும் தெப்பக்குளத்தின் ஒரு கரையில் இருந்து மற்றொரு கரைக்கு நீச்சல் அடித்து விளையாடினா். அப்போது காா்த்திக் திடீரென நீச்சல் அடிக்க முடியாமல், மூச்சுத் திணறல் ஏற்பட்டு தண்ணீரில் மூழ்கினாா்.

இதைப் பாா்த்த அவரது நண்பா்களும், தம்பி பாா்த்திபனும் தண்ணீரில் மூழ்கிய காா்த்திக்கை காப்பாற்ற முயன்றனா். ஆனால் அவா்களால் காப்பாற்ற முடியவில்லை. இது குறித்து தகவலறிந்த தீயணைப்புப் படையினரும்,திருமுல்லைவாயல் போலீஸாரும் சம்பவ இடத்துக்கு விரைந்து வந்து, காா்த்திக்கை தேடினா். சுமாா் 2 மணி நேர தேடுதலுக்கு பின்னா் காா்த்திக் சடலமாக அங்கிருந்து மீட்கப்பட்டாா்.

இது தொடா்பாக திருமுல்லைவாயல் காவல் உதவி ஆய்வாளா் ஏ.இம்மானுவேல் மற்றும் போலீஸாா் வழக்குப் பதிவு செய்து,விசாரணை செய்கின்றனா்.