சென்னையில் வெள்ளிக்கிழமை ஆபரணத்தங்கத்தின் விலை பவுனுக்கு ரூ.312 உயா்ந்து, ரூ.35,352-க்கு விற்பனை செய்யப்பட்டது.
கடந்த ஆண்டு ஆகஸ்ட் மாதத்தில் ஒரு பவுன் தங்கத்தின் விலை ரூ.43 ஆயிரத்தைத் தாண்டி, வரலாறு காணாத உச்சத்தைத் தொட்டது. இதன்பிறகு, விலை படிப்படியாகக் குறைந்து, ரூ.34 ஆயிரத்துக்கு கீழ் இறங்கியது.
குறிப்பாக, கடந்த மாா்ச் 31-ஆம் தேதி அன்று ரூ.33,296 ஆக இருந்தது. ஆனால், கடந்த 6-ஆம் தேதி முதல் மீண்டும் விலை உயா்ந்தது. குறிப்பாக, கடந்த 9-ஆம் தேதி ரூ.35 ஆயிரத்தைத் தாண்டியது. இதன்பிறகு, விலை ஏற்ற, இறக்கமாக இருந்து வருகிறது.
இதன்தொடா்ச்சியாக, சென்னையில் வெள்ளிக்கிழமை பவுனுக்கு ரூ.312 உயா்ந்து, ரூ.35,352-க்கு விற்பனை செய்யப்பட்டது. ஒரு கிராம் ரூ.39 உயா்ந்து, ரூ.4,419 ஆக இருந்தது. வெள்ளி கிராமுக்கு 30 பைசா உயா்ந்து, ரூ.73.40 ஆகவும், கட்டி வெள்ளி கிலோவுக்கு ரூ.300 உயா்ந்து ரூ.73,400 ஆகவும் இருந்தது.
வெள்ளிக்கிழமை விலை ரூபாயில் (ஜி.எஸ்.டி. தனி)
1 கிராம் தங்கம்............................. 4,419
1 பவுன் தங்கம்...............................35,352
1 கிராம் வெள்ளி.............................73.40
1 கிலோ வெள்ளி.............................73,400
வியாழக்கிழமை விலை ரூபாயில் (ஜி.எஸ்.டி. தனி)
1 கிராம் தங்கம்............................. 4,380
1 பவுன் தங்கம்...............................35,040
1 கிராம் வெள்ளி.............................73.10
1 கிலோ வெள்ளி.............................73,300.