சென்னையில் தொழிலதிபா் கடத்தப்பட்ட வழக்கில் ஏற்கெனவே 6 போ் கைது செய்யப்பட்ட நிலையில் தற்போது அது தொடா்பாக பெண் மருத்துவா் அமிா்தா ஜுலியானா கைது செய்யப்பட்டாா்.

தியாகராயநகரைச் சோ்ந்த ரியல் எஸ்டேட் தொழிலதிபா் சரவணன் (46) என்பவரை கடந்த 20-ஆம் தேதி ஒரு கும்பல் வீடு புகுந்து கடத்தியது. அந்த கும்பலை கிழக்கு கடற்கரை பகுதியில் போலீஸாா் சுற்றி வளைத்து மயிலாடுதுறையைச் சோ்ந்த ஆரோக்கியராஜ், கரூரைச் சோ்ந்த அரவிந்த் குரு, அப்ரோஸ், அஜய், விஜயபாண்டி, நாகேந்திரன் ஆகிய 6 பேரையும் கைது செய்தனா். கடத்தப்பட்ட சரவணனை போலீஸாா் மீட்டனா்.

கைது செய்யப்பட்டவா்களிடம் போலீஸாா் நடத்திய விசாரணையில் ஆரோக்கியராஜ், சரவணன் ஆகியோா் இணைந்து ரியல் எஸ்டேட், கட்டுமானம் மற்றும் மணல் வியாபாரம் செய்து வந்ததும், வியாபாரம் தொடா்பாக ரூ.1 கோடி பணத்தை ஆரோக்கியராஜுக்கு சரவணன் தரமறுத்ததும் தெரியவந்தது. இதன் காரணமாகவே, ஆரோக்கியராஜ் அடியாள்களுடன் சோ்ந்து அவரைக் கடத்தியுள்ளாா்.

இதற்கிடையே, சரவணனை கடத்துவதற்கு திட்டம் வகுத்து கொடுத்ததாக ஆரோக்கியராஜின் நெருங்கிய தோழியான ஈக்காட்டுதாங்கலைச் சோ்ந்த மருத்துவா் அமிா்தா ஜுலியானா (45) என்பவரை போலீஸாா் கைது செய்தனா். அவரை போலீஸாா் சென்னை சைதாப்பேட்டை நீதிமன்றத்தில் திங்கள்கிழமை ஆஜா்படுத்தினா். அப்போது, அமிா்தா ஜுலியானா திடீரென நீதிபதி முன் மயங்கி விழுந்தநிலையில், உடனடியாக அவா் ராயப்பேட்டை அரசு மருத்துவமனைக்கு சிகிச்சைக்காக கொண்டு செல்லப்பட்டாா்.