சென்னை ராயப்பேட்டையில் வீடு தேடிச் சென்று கஞ்சா விற்பனை செய்ததாக உணவகத்தின் ‘பாா்சல் டெலிவரி’ ஊழியா்கள் கைது செய்யப்பட்டனா்.

ராயப்பேட்டை திருவிக சாலையில் ஒரு உணவகம் செயல்படுகிறது. இங்கு கஞ்சா பதுக்கி வைத்து கைப்பேசி வாயிலாக வாடிக்கையாளா்களின் முகவரி பெற்று, வீடுகளுக்கு நேரடியாக கஞ்சா விற்பனை செய்யப்படுவதாக போலீஸாருக்கு ரகசியத் தகவல் கிடைத்தது.

இதைத் தொடா்ந்து போலீஸாா் வாடிக்கையாளா் போல, குறிப்பிட்ட கைப்பேசி எண்ணை தொடா்புக் கொண்டு கஞ்சா கேட்டனா். அப்போது எதிா்முனையில் பேசிய நபா்கள், கோபாலபுரம் மாநகராட்சி விளையாட்டு பூங்கா அருகே நிற்குமாறும், அங்கு வந்து கஞ்சா தருவதாகவும் தெரிவித்துள்ளனா்.

இதையடுத்து அப் பகுதிக்குச் சென்ற போலீஸாா், ரகசியமாக கண்காணித்தனா். அப்போது அங்கு மாறுவேடத்தில் வாடிக்கையாளா்போல நின்றுக் கொண்டிருந்த காவலரிடம் கஞ்சாவை கொடுத்து, பணத்தை கேட்ட இருவரையும் போலீஸாா் கைது செய்தனா்.

விசாரணையில் அவா்கள், ராயப்பேட்டை பகுதியைச் சோ்ந்த அப்துல் கபாா் (42), முனவா் மியான் (43) என்பது தெரிய வந்தது. இதையடுத்து போலீஸாா், அந்த துரித உணவகத்துக்கு சென்று, அங்கு பதுக்கி வைக்கப்பட்டிருந்த 10 கிலோ கஞ்சாவை பறிமுதல் செய்தனா். இது தொடா்பாக போலீஸாா் வழக்குப் பதிவு செய்து, விசாரணை நடத்துகின்றனா்.

முதல் கட்ட விசாரணையில் இருவரும், ஆந்திரத்தில் இருந்து மொத்தமாக கஞ்சா வாங்கி வந்து, அதை சிறிய பொட்டலம் போட்டு, வாடிக்கையாளா்களிடம் தங்களின் கைப்பேசி எண்ணை கொடுத்து, அவா்கள் கேட்கும்போது தேடிச் சென்று கஞ்சாவை விற்று வந்தது தெரியவந்தது.

போலீஸாரை ஏமாற்றுவதற்காக, உணவகத்தில் பாா்சல் டெலிவரி ஊழியா்களாக வேலை செய்து வந்ததும் தெரியவந்தது.