சென்னை: ஆசிய பாரா விளையாட்டு போட்டிகளில் பதக்கம் வென்ற தமிழக வீரர்கள் மாரியப்பன் தங்கவேல், முத்துராஜா ஆகியோருக்கு முதல்வர் மு.க.ஸ்டாலின் பாராட்டுத் தெரிவித்துள்ளார்.
இது தொடர்பாக முதல்வர்  திங்கள்கிழமை எக்ஸ் தள பக்கத்தில் கூறியிருப்பது:
பாரா ஆசிய விளையாட்டில் உயரம் தாண்டுதல் டி63 பிரிவில் வெள்ளி வென்று தமிழகத்துக்கும் இந்தியாவுக்கும் மீண்டுமொருமுறை பெருமை தேடித்தந்துள்ள மாரியப்பன் தங்கவேலுவுக்கு நெஞ்சார்ந்த பாராட்டுகள். 
உள்ளுவதெல்லாம் உயர்வுள்ளல் என்று கூறியுள்ளார் முதல்வர்.
இதேபோல, முதல்வர் செவ்வாய்க்கிழமை எக்ஸ் தளத்தில் வெளியிட்ட வாழ்த்துச் செய்தி:
ஆசிய பாரா போட்டியில் இந்திய வீரர்கள் தொடர்ந்து பதக்கங்களை குவித்து வருவதைக் கண்டு மகிழ்ச்சி அடைகிறேன். அந்த வரிசையில் வட்டு எறிதல் போட்டியில் வெண்கலம் வென்றுள்ள தமிழகத்தைச் சேர்ந்த முத்துராஜாவுக்கு எனது பாராட்டுகள். 
முத்துராஜா மென்மேலும் சாதித்து, அடுத்தடுத்த போட்டிகளில் தங்கம் வெல்ல வாழ்த்துகிறேன் என்று கூறியுள்ளார் முதல்வர்.