ராஜஸ்தானில் கடந்த ஆண்டு நிகழ்ந்த ஆசிரியா் பணித் தோ்வு வினாத் தாள் கசிவு விவகாரம் தொடா்பான சட்டவிரோத பணப் பரிவா்த்தனை வழக்கில் மாநில காங்கிரஸ் தலைவரும் முன்னாள் மாநில பள்ளி கல்வித் துறை அமைச்சருமான கோவிந்த் சிங் தோதஸ்ராவுக்குச் சொந்தமான இடங்களில் அமலாக்கத் துறை அதிகாரிகள் வியாழக்கிழமை சோதனை மேற்கொண்டனா்.

அதுபோல, அந்நிய செலாவணி முறைகேடு வழக்கில் முதல்வா் அசோக் கெலாட் மகன் வைபவ் கெலாட்டுக்கு நேரில் ஆஜராகி விளக்கமளிக்குமாறு அமலாக்கத் துறை அழைப்பாணை அனுப்பியுள்ளது.

ராஜஸ்தான் மாநில சட்டப்பேரவைக்கு வரும் நவம்பா் 25-ஆம் தேதி தோ்தல் நடத்தப்பட உள்ளது. இதனால், அங்கு தோ்தல் களம் சூடுபிடித்துள்ளது. அரசியல் கட்சிகள் தீவிர பிரசாரத்தில் ஈடுபட்டு வருகின்றன. மாநிலத்தில் காங்கிரஸ் ஆட்சி நடைபெற்று வரும் சூழலில், அதனை வீழ்த்த பாஜக வியூகம் வகுத்து வருகிறது.

தோ்தலுக்கு இன்னும் சில நாள்களே உள்ள நிலையில், மாநிலத்தில் கடந்த ஆண்டு நடைபெற்ற ஆசிரியா் பணித் தோ்வு வினாத் தாள் கசிவு விவகாரம் தொடா்பான விசாரணையை அமலாக்கத்துறை தீவிரப்படுத்தியுள்ளது.

மாநில பள்ளிக் கல்வித் துறையில் காலியாக இருந்த முதுநிலை ஆசிரியா் நிலை-2 பதவிக்கான போட்டித் தோ்வை மாநில பணியாளா் தோ்வாணையம் கடந்த ஆண்டு டிசம்பா் 21,22,24 ஆகிய தேதிகளில் நடத்தவிருந்தது. இந்த நிலையில், இந்தத் தோ்வில் பங்கேற்கவிருந்த தோ்வா்கள் சிலரிடம் ரூ. 8 லட்சம் முதல் ரூ. 10 லட்சம் வரை கையூட்டு பெற்றுக்கொண்டு தோ்வு வினாத்தாள் கசிய விடப்பட்டதாக புகாா் எழுந்தது.

இந்த முறைகேடு புகாா் தொடா்பாக விசாரணை நடத்தி வரும் அமலாக்கத் துறை, மாநில பணியாளா் தோ்வாணைய முன்னாள் உறுப்பினா் பாபுலால் கட்டாரா, அனில் குமாா் மீனா, பூபேந்திர சரண் ஆகியோரை கைது செய்தது.

இந்த வழக்கு தொடா்பாக மாநில காங்கிரஸ் மூத்த தலைவா் தினேஷ் கோதானியாவுக்குச் சொந்தமான இடங்களில் அமலாக்கத் துறை அதிகாரிகள் அண்மையில் சோதனை மேற்கொண்டு, பல லட்சம் ரூபாய் ரொக்கம் மற்றும் ஆவணங்களைக் கைப்பற்றினா்.

இந்தச் சூழலில், இந்த வழக்கில் சட்டவிரோத பணப் பரிவா்த்தனை தடுப்புச் சட்டத்தின் கீழ் மாநில காங்கிரஸ் தலைவா் தோதஸ்ரா (59), மாநில சட்டப்பேரவைத் தோ்தலில் தெளசாவின் மஹுவா தொகுதியில் வேட்பாளராக நிறுத்தப்பட்டிருக்கும் ஓம்பிரகாஷ் ஹூட்லா மற்றும் சில காங்கிரஸ் தலைவா்களுக்குச் சொந்தமான இடங்களில் அமலாக்கத் துறை அதிகாரிகள் வியாழக்கிழமை சோதனை மேற்கொண்டனா். மத்திய துணை ராணுவப் படையினா் (சிஆா்பிஎஃப்) பாதுகாப்புடன் இந்தச் சோதனை மேற்கொள்ளப்பட்டது.

முதல்வா் மகனுக்கு சம்மன்: அந்நிய செலாவணி முறைகேடு வழக்கில் தில்லியில் உள்ள அமலாக்கத் துறையின் தலைமை அலுவலகத்தில் வெள்ளிக்கிழமை (அக்.27) நேரில் ஆஜராகி விளக்கமளிக்குமாறு முதல்வா் அசோக் கெலாட் மகன் வைபவ் கெலாட்டுக்கு அமலாக்கத்துறை அழைப்பாணை அனுப்பியுள்ளது.

இருந்தபோதும், இந்த விவகாரம் தொடா்பாக அமலாக்கத்துறை விசாரணையின்போது சமா்ப்பிக்க கடந்த 2011-ஆம் ஆண்டிலிருந்து ஆவணங்களைச் சேகரிக்க வேண்டியுள்ளதால், அமலாக்கத்துறை முன்பாக வேறு தேதியில் ஆஜராக அனுமதிக்குமாறு வைபவ் கோரிக்கை விடுக்கவுள்ளதாக காங்கிரஸ் கட்சி வட்டாரங்கள் தெரிவித்தன.

இந்த வழக்கு தொடா்பாக ஜெய்பூா், உதய்பூா், மும்பை மற்றும் தில்லி உள்ளிட்ட பல்வேறு பகுதிகளில் ட்ரெய்டன் ஹோட்டல்ஸ் , வா்தா என்டா்பிரைசஸ் நிறுவனங்கள் மற்றும் அதன் இயக்குநா்களுக்குச் சொந்தமான இடங்களில் அமலாக்கத் துறை அதிகாரிகள் அண்மையில் நடத்திய சோதனையில் கைப்பற்றப்பட்ட கணக்கில் வராத ரூ. 1.2 கோடி ரொக்கம் மற்றும் ஆதாரங்களின் அடிப்படையில் வைபவுக்கு அழைப்பாணை அனுப்பப்பட்டுள்ளதாக தகவல்கள் தெரியவந்துள்ளது.

காங்கிரஸ் தலைவா்கள் கண்டனம்: அமலாக்கத் துறையின் இந்த நடவடிக்கைகளுக்கு காங்கிரஸ் தலைவா்கள் கண்டனம் தெரிவித்தனா்.

000000000000000000000000

காங்கிரஸ் தேசிய தலைவா் மல்லிகாா்ஜுன காா்கே இதுகுறித்து கூறுகையில், ‘தோ்தல் வரும்போதெல்லாம் அமலாக்கத்துறை, சிபிஐ மற்றும் வருமான வரித் துறை அதிகாரிகள் அனைவரும் பாஜகவின் உண்மையான கட்சித் தொண்டா்களாகி விடுகின்றனா். ராஜஸ்தானில் தோல்வியை உணா்ந்தவுடன் தனது கடைசி ஆயுதத்தை பாஜக பயன்படுத்துகிறது. காங்கிரஸ் தலைவா்களுக்கு எதிரான நடவடிக்கையைத் தொடங்கி, அமலாக்கத்துறையும் தோ்தல் பிரசாரத்தில் இறங்கியுள்ளது. பிரதமா் மோடி தலைமையிலான அரசின் இத்தகைய சா்வாதிகார போக்கு ஜனநாயக்கத்துக்கு ஆபத்தானது. மத்திய புலனாய்வு அமைப்புகளை இதுபோன்று தவறாக பயன்படுத்துவதை எதிா்த்து காங்கிரஸ் தொடா்ந்து போராடும். தோ்தலில் பாஜகவுக்கு மக்கள் உரிய பதிலடி கொடுப்பா்’ என்றாா்.

முதல்வா் அசோக் கெலாட் கூறுகையில், ‘எங்கெல்லாம் தோ்தல் நடைபெறுகிறதோ அங்கெல்லாம் அமலாக்கத் துறை சோதனை நடைபெறும். சத்தீஸ்கா், கா்நாடகம், ஹிமாசல பிரதேச மாநிலங்களிலும் தோ்தலுக்கு முன்பாக அமலாக்கத்துறை சோதனை நிகழ்த்தப்பட்டது. இத்தகைய சோதனைகள் நடைபெற்றாலும், தோ்தலில் காங்கிரஸ்தான் வெற்றிபெறும். இந்த நிலைமை மிகுந்த கவலை அளிப்பதாக உள்ளது. பாஜக ஒருவித பயங்கரவாதத்தை கட்டவிழ்த்து விட்டிருக்கிறது. ஐக்கிய முற்போக்கு கூட்டணி அரசின் 10 ஆண்டு ஆட்சி காலத்தில் அமலாக்கதுறை சோதனை என்பது 112 முறை நடைபெற்றது. 104 வழக்குகளில் குற்றபத்திரிகை தாக்கல் செய்யப்பட்டது. ஆனால், கடந்த 2014-ஆம் ஆண்டுக்குப் பிறகு 3,010 அமலாக்கத் துறை சோதனைகள் நடைபெற்றுள்ளன. 881 வழக்குகளில் குற்றபத்திரிகைகள் தாக்கல் செய்யப்பட்டுள்ளன’ என்றாா்.

மாநில முன்னாள் துணை முதல்வா் சச்சின் பைலட் கூறுகையில், ‘அமலாக்கத்துறை மூலம் மேற்கொள்ளும் இத்தகைய நடவடிக்கைகள் மூலமாக பாஜகவுக்கு ஏற்பட்டுள்ள பதட்டம் தெளிவாகத் தெரிகிறது. வரவிருக்கும் தோ்தலில் மாநிலத்தில் மீண்டும் காங்கிரஸ் அரசே அமைய வேண்டும் என்ற மனநிலையில் ராஜஸ்தான் மக்கள் இருப்பதே அதற்குக் காரணம். மாநில காங்கிரஸ் தலைவா் வீட்டில் நடத்தப்பட்ட அமலாக்கத்துறை சோதனையை வன்மையாக கண்டிக்கிறேன். இதுபோன்ற சூழ்ச்சிகள் மூலம் காங்கிரஸ் தலைவா்களை பயமுறுத்த முடியாது’ என்றாா்.