தங்கம் பவுனுக்கு ரூ.400 உயா்வு

சென்னையில் ஆபரணத் தங்கத்தின் விலை புதன்கிழமை பவுனுக்கு ரூ. 400 உயா்ந்து ரூ. 53,680-க்கு விற்பனையானது.

கடந்த சில நாள்களாக ஆபரணத் தங்கத்தின் விலை ஏற்ற, இறக்கமாக இருந்து வந்த நிலையில், செவ்வாய்க்கிழமை பவுனுக்கு ரூ.80 குறைந்து ரூ.53,280-க்கு விற்பனையானது.

இந்த நிலையில், புதன்கிழமை கிராமுக்கு ரூ. 50 உயா்ந்து ரூ. 6,710-க்கும் , பவுனுக்கு ரூ. 400 உயா்ந்து ரூ.53,680-க்கும் விற்பனையானது.

வெள்ளி விலையில் எவ்வித மாற்றமுமின்றி கிராம் ரூ. 92-க்கும், ஒரு கிலோ (கட்டி வெள்ளி) ரூ. 92,000-க்கும் விற்பனையானது.