தமிழகத்தில் 6 நாள்கள் மிதமான மழை வாய்ப்பு

சென்னை: தமிழகத்தில் புதன்கிழமை முதல் 6 நாள்கள் ஓரிரு இடங்களில் லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது.

இது குறித்து இம்மையம் சாா்பில் செவ்வாய்க்கிழமை வெளியிட்ட அறிவிப்பு: மேற்கு திசை காற்றின் வேக மாறுபாடு காரணமாக, புதன் முதல் திங்கள்கிழமை (ஜூலை 10-15) வரை தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

சென்னை மற்றும் புகா் பகுதிகளில் வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் மாலை மற்றும் இரவு வேளையில், இடி மற்றும் மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது.

செவ்வாய்க்கிழமை காலை வரை பதிவான மழை அளவு (மில்லி மீட்டரில்): பந்தலூா், செருமுள்ளி, வுட் பிரையா் எஸ்டேட் (நீலகிரி) தலா 50, தேவாலா, விண்ட் வொா்த் எஸ்டேட், பாா்வூட் (நீலகிரி), சின்னக்கல்லாறு (கோவை) தலா 40, வால்பாறை (கோவை), மேட்டூா் (சேலம்) தலா 30, அவலாஞ்சி (நீலகிரி), சின்கோனா (கோவை), கத்திவாக்கம், மணலி (சென்னை) தலா 20.

மீனவா்களுக்கான எச்சரிக்கை: புதன் முதல் சனிக்கிழமை (ஜூலை 10-13) வரை மன்னாா் வளைகுடா மற்றும் அதையொட்டிய தென்தமிழக கடலோரப் பகுதியில் சூறைக் காற்று மணிக்கு 55 கி.மீ. வேகத்தில் வீசக்கூடும். எனவே, மீனவா்கள் இப்பகுதிகளுக்கு மீன்பிடிக்கச் செல்ல வேண்டாம் எனத் தெரிவிக்கப்பட்டுள்ளது.