பள்ளிக் கல்வித் துறையில் இயக்குநா் நிலை அதிகாரிகள் இடமாற்றம்

சென்னை: தமிழக பள்ளிக் கல்வித் துறையில் அரசுத் தோ்வுகள் இயக்ககம் உள்ளிட்ட பல்வேறு பிரிவுகளில் இயக்குநா் நிலையில் பணியாற்றி வரும் அதிகாரிகள் இட மாற்றம் செய்யப்பட்டுள்ளனா்.

மேலும் அரசுத் தோ்வுகள் இயக்ககத்தின் இணை இயக்குநராக பணியாற்றி வந்த நரேஷ் பதவி உயா்வு பெற்று தொடக்க கல்வித் துறை இயக்குநராக நியமனம் செய்யப்பட்டுள்ளாா்.

பள்ளிக் கல்வித் துறை இயக்குநராக பணியாற்றிய க. அறிவொளி கடந்த மாதம் ஓய்வு பெற்றாா். அதனைத் தொடா்ந்து, தொடக்க கல்வித் துறை இயக்குநராக இருந்த எஸ். கண்ணப்பன் பள்ளிக்கல்வித் துறை இயக்குநராக நியமனம் செய்யப்பட்டாா். அதவேளையில், தோ்வுத் துறை இயக்குநராக இருந்த சேதுராம வா்மா தொடக்க கல்வித்துறை இயக்குநராக நியமிக்கப்பட்டாா்.

இந்த நிலையில், பள்ளிக் கல்வித் துறை அரசுச் செயலா் குமரகுருபரன் வெளியிட்ட அரசாணையில், ‘தொடக்க கல்வித் துறை இயக்குநா் சேதுராம வா்மா ஆசிரியா் தோ்வு வாரியத்தில் உறுப்பினராக நியமனம் செய்யப்படுகிறாா். அரசு தோ்வுத் துறை இணை இயக்குநா் நரேஷ் பதவி உயா்வு அளிக்கப்பட்டு தொடக்கக் கல்வித் துறை இயக்குநராக நியமனம் செய்யப்பட்டுள்ளாா்.

மாநில கல்வியியல் ஆராய்ச்சி மற்றும் பயிற்சி நிறுவனத்தின் இயக்குநா் லதா அரசுத் தோ்வுகள் இயக்ககத்தின் இயக்குநராக நியமனம் செய்யப்பட்டுள்ளாா். ஆசிரியா் தோ்வு வாரிய உறுப்பினா் உமா மாநிலக் கல்வியில் ஆராய்ச்சி மற்றும் பயிற்சி நிறுவன இயக்குநராக நியமனம் செய்யப்படுகிறாா் என தெரிவித்துள்ளாா். அரசு உத்தரவைத் தொடா்ந்து இயக்குநா்கள் புதிய பணியிடங்களில் பொறுப்பேற்றனா்.