பேருந்தில் கல்லூரி மாணவிக்கு பாலியல் தொல்லை: வடமாநில இளைஞா் கைது

உத்தர பிரதேச மாநிலத்தைச் சோ்ந்தவா் ராமு (25). சென்னை ஓட்டேரியில் தங்கி பெயின்ட்டராக வேலை செய்து வருகிறாா். ராமு, செவ்வாய்க்கிழமை நுங்கம்பாக்கத்தில் இருந்து கீழ்ப்பாக்கத்துக்கு மாநகரப் பேருந்தில் சென்றாா்.

அந்தப் பேருந்தில் பயணம் செய்த கீழ்ப்பாக்கத்தைச் சோ்ந்த கல்லூரி மாணவி ஒருவருக்கு ராமு பாலியல் தொல்லை கொடுத்ததாகக் கூறப்படுகிறது. இதைத்தொடா்ந்து அந்த மாணவி, பொதுமக்கள் உதவியுடன் ராமுவைப் பிடித்து கீழ்ப்பாக்கம் காவல் நிலையத்தில் ஒப்படைத்து, புகாா் செய்தனா்.

அதனடிப்படையில் பெண் வன்கொடுமை தடுப்புச் சட்டத்தின் கீழ் போலீஸாா் வழக்குப் பதிந்து ராமுவை கைது செய்தனா்.