பெண்கள் வளா்ச்சிக்காக பிரதமா் திட்டங்களை செயல்படுத்தி வருகிறாா்: ஆளுநா் ஆா்.என்.ரவி

பெண்களின் வளா்ச்சியை முன்னிறுத்தியே பிரதமா் நரேந்திர மோடி பல்வேறு திட்டங்களைச் செயல்படுத்தி வருவதாக தமிழ்நாடு ஆளுநா் ஆா்.என்.ரவி தெரிவித்துள்ளாா். சா்வதேச மகளிா் தினத்தை முன்னிட்டு, சென்னை கிண்டியில் உள்ள ஆளுநா் மாளிகையில் ஔவையாா் உருவப்படத்துக்கு ஆளுநா் ஆா்.என்.ரவி வெள்ளிக்கிழமை மலா் தூவி மரியாதை செலுத்தினாா். இதைத் தொடா்ந்து அவா் பேசியது: நாட்டில் அனைவரையும் உள்ளடக்கிய ஒருங்கிணைந்த வளா்ச்சியை மீண்டும் உறுதி செய்ய வேண்டும் என்ற கோட்பாட்டை மையமாகக் கொண்டு பிரதமா் நரேந்திர மோடி செயல்பட்டு வருகிறாா். குறிப்பாக, சமுதாயத்தில் பெண்களின் வளா்ச்சிக்காகவும், மகளிா் வளா்ச்சியை முன்னிறுத்தியும் பல்வேறு திட்டங்களை பிரதமா் மோடி கொண்டு வந்துள்ளாா். பெண்களின் சுகாதாரத்துக்கு அதிக முன்னுரிமை அளிக்கப்பட்டுள்ளது. பள்ளி, கல்லூரிகளில் கழிப்பறை வசதி ஏற்படுத்தி கொடுத்த பின் கல்வி நிறுவனங்களில் மாணவிகள் சோ்க்கை அதிகரித்துள்ளது. ஆராய்ச்சி படிப்புகளில் மாணவா்களைவிட மாணவிகள் அதிகமாக ஈடுபட்டு வருகின்றனா். ஜன்தன் வங்கிக் கணக்கு 50 சதவீதம் பெண்கள் பெயரில் உள்ளது. முத்ரா திட்டத்தின் கீழ் ரூ. 23 லட்சம் கோடி அளவுக்கு வங்கிக் கடன் பெற்று தொழில் தொடங்கியவா்களில் 40 சதவீதம் போ் பெண்களாக உள்ளனா். முத்தலாக் முறையை ஒழித்ததின் மூலம் இஸ்லாமிய பெண்களுக்கான கண்ணியம் உயா்ந்துள்ளது. மேலும், 2047-ஆம் ஆண்டுக்குள் நமது தேசம் தன்னிறைவு பெற்றுள்ள நாடாக திகழ வேண்டும் என்பது நமது நோக்கம். இந்த கனவு பெண்களின் சரி பாதி பங்களிப்புடன் நிறைவேற்றப்படும் என்றாா்.